Өзекті мәселелер бойынша сындарлы әңгіме

Өткен сейсенбіде аудан әкімі аппаратының үлкен мәжіліс залында,  Бейбіт Алхановтың төрағалығымен, ауданның қоғамдық кеңесінің кезекті отырысы өтті.

Қоғамдық кеңестің жұмысына оның мүшелерінен басқа аудан әкімінің орынбасары Дархан Дощанов, ауылдық округ әкімдері, бөлім басшылары қатысты.

Қоғамдық кеңестің қарауына келесі мәселелер ұсынылды:

- Ұлы Отан соғысы қатысушыларына теңестірілген ардагерлер мен мүгедектерге, еңбек ардагерлеріне  медициналық қызмет көрсету бойынша Ақтоғай аудандық ауруханасының жұмысы туралы;

- Кезекте тұрғандарды мемлекеттік тұрғын үй қорынан тұрғын үймен қамтамасыз ету бойынша аудандық тұрғын үй комиссиясының жұмысы туралы;

- Ақтоғай ауданының қаржы бөлімінің "2025 жылғы аудан бюджетінің бірінші жартыжылдықтың қорытындысы бойынша атқарылуы туралы" есебі;

- Жолболды ауылдық округі әкімінің атқарған жұмыстары мен алдағы міндеттері  туралы, сондай-ақ мемлекеттік қызметтің сапасын арттыру жөніндегі шаралар туралы есебі.

Күн тәртібінде  жоғарыда аталған мәселелер бойынша: Әсел Арғынова, аудандық аурухана поликлиникасының меңгерушісі, Ғазым Қуанов, аудандық экономиканың нақты секторы бөлімінің басшысы, Батима Әбілдинова, аудандық қаржы бөлімінің басшысы, Еламан Аралов, Жолболды ауылдық округінің әкімі сөз сөйледі.

Қоғамдық кеңес мүшелері қарастырылып отырған мәселелер бойынша баяндамашыларға көптеген сұрақтар қойды. Атап айтқанда, бұл дәрігерлердің қабылдау тәртібін қалыптастыруға қатысты болды, олар көбінесе науқастарды қабылдау кезінде жұмыс кеңесіне кетеді. Осы мәселе бойынша Әсел Сайлаубайқызы қазіргі уақытта аудандық аурухана басшылығы жұмыс кеңесін жұмыс күнінің соңында өткізу туралы шешім қабылдағанын хабарлады. Сондай-ақ, ҚК мүшелері аудандық аурухана қызметкерлерінің ауданның елді мекендеріне баруының жүйелілігіне, тегін дәрі-дәрмек заттардың бөлінуіне қызығушылық танытты, ҰОС қатысушыларына теңестірілген ардагерлерге, тыл еңбеккерлеріне кезектен тыс қызмет көрсетуді ұйымдастыру жөнінде ұсыныс білдірді.

Ғазым Бейсембайұлына Отбасы банкі арқылы мемлекеттік тұрғын үй қорынан тұрғын үй алуға мұқтаж жандарды кезекке қоюдың жаңа ережелері туралы түсіндіру жұмыстары жөнінде көптеген сұрақтар қойылды. С.Мүткенов ауылында екі пәтерлі үйлеріндегі бос тұрған пәтерлерге, бөлімнің құрамында  тұрғын үй мәселелері бойынша жеке секторды ашу қажеттілігіне, пайдаланылатын тұрғын үй үшін жалдау ақысын уақытында төлемеушілерге қатысты қабылданып жатқан шаралар туралы және т. б. сұрақтар қойылды.

Ағымдағы жылдың бірінші жартыжылдығында бюджетті атқару мәселесінде ҚК мүшелері бюджет қаражатын игеру барысына қанағаттанушылықтарын білдіре отырып, жыл бойынша бюджет қаражатын игеру тәуекелдеріне  алаңдаушылық танытты. Бұл сұраққа Батима Дүйсенқызы тәуекелдер бар және бюджеттік бағдарламалардың тиісті әкімшілерімен бірлесіп, оларды жою үшін жұмыс жүргізілуде деп жауап берді.

Жолболды ауылдық округінің әкіміне Жолболды ауылындағы орталық көшенің жөндеу жұмыстары сапасыз жүргізілгенін, Шилікті ауылында жаңадан тапсырылған медициналық пункт ғимаратындағы жекелеген қателіктерді жоюға қатысты сұрақтар қойылды. Осы мәселелер бойынша Еламан Ертісұлы қабылданып жатқан шаралар туралы баяндады.

Қаралған мәселелер бойынша Қоғамдық кеңестің тиісті ұсынымдары қабылданды.

Отырыс соңында Бейбіт Баянұлы ауылшаруашылығы жануарларының үлкен басын ұстауға есептелген елді мекен шегінде мал үй-жайын салудың заңдылығы мәселесі бойынша аудан орталығы тұрғындарының өтініші бойынша алдағы қоғамдық тыңдау туралы ҚК мүшелеріне жария етті. 

Шайахмет Сәдуақасов, Қоғамдық кеңестің хатшысы

Фото

Previous Next