Келес аудандық Қоғамдық кеңесінің кезекті жоспарлы отырысы өткізілді

Аудандық Қоғамдық кеңестің төрағасы  Е. Абишевтың    төрағалығымен кеңестің кезекті жоспарлы отырысы өткізіліп, онда Қоғамдық кеңестің ағымдағы жылдың І-жартыжылдығында өткізілген отырыстарында айтылған ұсыныс-пікірлер мен қойылған сұрақтардың орындалуы бойынша кеңес төрағасының мәліметі мен аудандық мемлекеттік кірістер басқармасы басшысының міндетін уақытша атқарушы Е.Қалғанбаевтың, аудандық құрылыс, сәулет және қала құрылысы бөлімі басшысы Н.Нархозиевтың және Жамбыл ауылдық округінің әкімі Т.Байдуллаевтың 2024 жылы және 2025 жылдың І жартыжылдығында атқарылған жұмыстар бойынша есептері тыңдалды.

Кеңес мүшелері тарапынан ауданда жүргізіліп жатқан және жоспарланып отырған тұрғын үй, мәдениет ошақтары және басқа да әлеуметтік нысандардың құрылысына байланысты бірқатар сын-пікірлер айтылып,нақты ұсыныстар берілді.Атап айтқанда, жаңадан салынып жатқан тұрғын үйлерге инфрақұрылым толық тартылмағаны, яғни ауыз су, электр жарығы, жол және көгілдір отын (газ) желілерінің жоқтығы немесе уақытылы қосылмауы мәселелері көтерілді. Сондай-ақ Жамбыл ауылдық округінің әкімі Т. Байдуллаевтың есебі барысында ауылдағы абаттандыру, жол жөндеу, әлеуметтік нысандарды күрделі жөндеу, жастар мен тұрғындардың бос уақытын тиімді өткізуге жағдай жасау бағытында атқарылған жұмыстар баяндалды.Кеңес мүшелері округтің бірқатар мәселелеріне қатысты сұрақтар қойып, нақты ұсыныстар берді.

Сонымен қатар, аудандық мемлекеттік кірістер басқармасы тарапынан есепті басқарма басшысының орынбасары ұсынғанымен, негізгі басшының (тікелей лауазымды тұлғаның) қатыспауына байланысты, бұл мәселені Кеңес мүшелері келесі отырысқа қалдыруды ұйғарды..

Барлық есептер назарға алынды.

Фото

Previous Next