2025 жылғы 24 шілдеде Алматы облысының Қоғамдық кеңесі Алатау қаласында жергілікті тұрғындармен қоғамдық қабылдау форматында кездесу өткізді.

✍🏻Алматы облысының Қоғамдық кеңесі Алатау қаласында тұрғындармен қоғамдық қабылдау өткізді

✍🏻2025 жылғы 24 шілдеде Алматы облысының Қоғамдық кеңесі Алатау қаласында жергілікті тұрғындармен қоғамдық қабылдау форматында кездесу өткізді.Іс-шара барысында Қоғамдық кеңеске 35-ке жуық жазбаша және ауызша өтініштер мен ұсыныстар келіп түсті. Түскен сұрақтардың басым бөлігі жер қатынастарына қатысты болды.

✍🏻Аталған мәселелерді талқылау мақсатында сол күні Алатау қаласының әкімі және әкімдік аппаратының жауапты қызметкерлерімен бірлескен жұмыс отырысы ұйымдастырылды. Жиын барысында жерге қатысты көтерілген мәселелердің өзектілігі мен күрделілігі атап өтіліп, оларды шешудің ықтимал жолдары қарастырылды.Жұмыс отырысына Алматы облысының Қоғамдық кеңесінің төрағасы Қазыбек Дауталиев, Қоғамдық кеңестің Туризм және кәсіпкерлік жөніндегі комиссиясының төрайымы Жанна Қырғызалықызы, сондай-ақ Алатау қаласының Қоғамдық кеңесінің төрайымы Риза Санаққызы қатысты.

✍🏻Кездесу барысында Алатау қаласының құрылуына байланысты туындап отырған бірқатар өзекті мәселелер жан-жақты талқыланды. Қоғамдық кеңес бұл бағыттағы жұмысын алдағы уақытта да жалғастыратын болады.Қазіргі уақытта келіп түскен өтініштердің бір бөлігі қаралып, тиісті шаралар қабылдануда. Келесі кездесуде осы мәселелер бойынша нақты шешімдер мен нәтижелер ұсынылады. Бұл жөнінде қосымша ақпарат кейінірек хабарланатын болады..

Фото

Previous Next