Қазкеңес жаңалықтары

Маңғыстау облысы Қоғамдық кеңесінің отырысы

2025 жылдың 24 шілде күні кеңес төрағасы Жүсіпов Бекмұрат Қыдырбайұлының төрағалығымен Маңғыстау облысы Қоғамдық кеңесінің кезекті отырысы өтті. Қоғамдық кеңестің жұмыс жоспарына сәйкес Маңғыстау облысының туризм басқармасы мен Маңғыстау облысының энергетика және тұрғын үй-коммуналдық шаруашылық басқармасының есептері тыңдалды.
Отырысқа кеңес мүшелерімен қатар басқарма басшылары мен мамандары, сондай-ақ су мен энергия көзін өндіруші, тасымалдаушы, жеткізуші мекеме басшылары қатысты.
Күн тәртібіндегі бірініш мәселе бойынша Маңғыстау облысының туризм басқармасы өңірдегі туризм саласын дамыту бойынша жүргізіліп жатқан жұмыстар туралы баяндап, негізгі көрсеткіштер мен инвестициялық жобаларды таныстырды.
Туризм басқармасы биыл 519 мың турист келеді деп болжап отыр. Бозжыра, Кендірлі, Шерқала сияқты бірегей нысандарда нақты жобалар іске асып жатыр. Сонымен қатар, балалар мен отбасылық туризм, этно және сакралды туризм бағытында бастамалар бар. Алдағы қыркүйекте халықаралық туризм форумын өткізу жоспарланған.
Күн тәртібіндегі екінші мәселе бойынша Маңғыстау облысының энергетика және тұрғын үй-коммуналдық шаруашылық басқармасы тұрғындарды ауызсумен қамтамасыз ету мәселелері бойынша мәлімет ұсынып, іске асырылып жатқан және жоспарланған су тұщыту жобаларын таныстырды.
Облыстың халық санының артуын ескере отырып, су тұщыту зауыттары мен қондырғыларын орнату бойынша 6 жоба icке асырылуда. Оның ішінде құны 130,8 млрд. теңгені құрайтын З жоба (жалпы қуаттылығы 65 000 м3) ағымдағы жылы пайдалануға беріледі. Алдағы жылдары қуаттылық екі есеге артпақ.
Кеңес мүшелері тарапынан өзекті мәселелер көтерілді:
-балаларға арналған жазғы лагерлердің тапшылығы мен сапасы;
-туристік нысандар маңындағы қоғамдық дәретханалардың жетіспеушілігі;
-шалғай ауылдарды, соның ішінде Бейнеу және Түпқараған аудандарын баламалы тәсілдермен ауызсумен қамтамасыз ету, т.б.
Кеңестің басты мақсаты – халық пен билік арасындағы тиімді кері байланысты қамтамасыз ету.
Қоғамдық кеңес бұл мәселелерді бақылауда ұстап, тиісті ұсыныстарды жергілікті атқарушы органдарға жеткізеді.

Фото