Қазкеңес жаңалықтары
KazKENES жаңалықтарыАудандық Қоғамдық кеңестің кезектен тыс отырысы болып өтті.
20 наурыз 2025 жылы аудан әкімдігінің дербес бөлімдері дайындап аудандық мәслихат бекітетін нормативтік құқықтық актілерінің жобаларын қарау қажеттілігіне және оларды Қоғамдық кеңесте қарау мерзімдерін сақтау негізінде аудандық қоғамдық кеңестің кезектен тыс отырысы болып өтті.Сонымен бірге осы отырыста басқа да ағымдағы қажетті мәселелер де қаралды. Отырыста аудандық жұмыспен қамту және әлеуметтік бағдарламалар бөлімінің басшысы Ж.Қинашеваның Зайсан аудандық мәслихатының 2024 жылғы 28 тамыздағы нөмірі 25/4- Vlll "Зайсан ауданының ауылдық елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына бюджет қаражаты есебiнен коммуналдық көрсетілетін қызметтерге ақы төлеу және отын сатып алу бойынша әлеуметтік қолдау көрсету Қағидасы және мөлшерін бекіту туралы» " шешімінің жобасына өзгеріс енгізу туралы хабарламасы тыңдалды. Ауылдық елді мекендерде тұратын мемлекеттік денсаулық сақтау, білім, әлеуметтік қамсыздандыру, мәдениет және спорт, ветеринария ұйымдарының мамандарына бюджет қаражаты есебінен коммуналдық көрсетілетін қызметтерге ақы төлеу және отын сатып алуға бір жолғы әлеуметтік қолдау жылына бір рет бюджет қаражаты есебінен 10,9359 (он бүтін он мыңнан тоғыз мың үш жүз елу тоғыз) айлық есептік көрсеткіш болып тағайындалуын Қоғамдық кеңес мақұлдады.
Отырыста аудандық Тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы А.Жумағалиев Зайсан аудандық мәслихатының "Кондоминимум объектілерінің ортақ мүлкін күтіп ұстауға арналған шығыстарының ең төменгі мөлшерін бекіту туралы" шешімінің жобасы туралы хабарлама жасады. Қоғамдық кеңес мүшелерін осы мәселе бойынша жасаған есептемелерімен таныстырды. Кеңес мүшелері тарапынан қызу талқылау болып, шешім жобасы мақұлданды. Бөлім басшысына көп қабатты тұрғын үйлердің тұрғындарымен, түсінік жұмыстарын жүргізуді жақсартуды, жиналған қаражаттардың өз мақсатында, тиімді жұмсалуына үнемі назар аударып отыруды ұсынды. Сонымен бірге орайы келіп тұрғанда бөлім басшысына аудан тұрғындарын толғандырып жүрген басқа да мәселелерге назар аударуды ұсынды. Және бұл мәселердің орындалуы төралқа отырысында қаралатыны ескертілді. Отырыста "Зайсан ауданы бойынша конкурсқа ұсынылатын ауылшаруашығы жерлерінің тізімін бекіту туралы" аудандық жер қатынастар бөлімінің басшысы Е.Қайрақбаевтың ақпараты тыңдалды. Конкурсқа ұсынылған жер учаскелерінің тізіміндегі кейбір учаскелер ауылдық қоғамдастық жиналыстарының пікірлері ескеріліп конкурсқа шығаруға келісім берілмеді.Сондай ақ Қоғамдық кеңес отырысында аудандық архитектура, құрылыс және қала құрылысы бөлімінің халыққа мемлекеттік қызмет көрсетуде атқарып жатқан жұмыстары тыңдалды. Бөлім басшысының қоғамдық кеңеске келмей, мамандарын жіберуі қоғамдық кеңес тарапынан түсінбестікпен қабылданды. Қоғамдық кеңес төрағасы М Уәли бөлім тарапынан үш түрлі мемлекеттік қызмет көрсетіліп жатқанын, бірақ жариялылық болмауынан халықтың көпшілігі оларды білмейтіндігін, сондықтан аудандық газет арқылы ақпараттандыру қажет екендігін тапсырды.Қоғамдық кеңес мүшесі Қ.Сайранов осы бөлім жұмысында кемшіліктер орын алып отырғанын, сондықтан бөлім жұмысын қоғамдық кеңес отырысында арнайы мәселе ретінде қарауды ұсынды.
Отырыста мемлекеттік органға қызметке кіруіне байланысты Б.Жапсарбаев Қоғамдық кеңес мүшелігінен босатылып, орнына резервтегі тізімнен М.Боранбаев Қоғамдық кеңес мүшелігіне бірауыздан енгізілді. Төралқа құрамына Б.Жапсарбаевтың орнына Қ.Сайранов сайланды. Сондай ақ алдыңғы отырыста сайланған үш комиссия құрамы қайта қаралып өзгерістер жасалды.Сыбайлас жемқорлыққа қарсы іс қимыл комиссиясының төрағасы болып М.Каламов, әлеуметтік, мәдени даму және қоғамдық саяси ахуал туралы комиссия төрағасы болып М.Боранбаев, экономикалық даму жөніндегі комиссия төрағасы болып М.Уәли сайланды. Қоғамдық кеңестің отырыстарының жылдық жоспарына қоғамдық кеңес мүшелері тарапынан көптеген ұсыныстар жасалып, жылдық жоспар бекітілді. Қоғамдық кеңестің басшы органдарының сайланған толық құрамдары, жоспары парақшада жарияланады.
Фото
