Қазкеңес жаңалықтары

Аудандық Қоғамдық кеңесте Зайсан ауданының 2024 жылға арналған бюджетінің атқарылуы жөніндегі есеп талқыланды.

Зайсан аудандық Қоғамдық кеңесінің отырысында қоғамдық кеңес мүшелерін Зайсан ауданының 2024 жылға арналған бюджетінің атқарылуы туралы есеппен аудандық экономика және қаржы бөлімінің басшысы Ғ.Кожекенова таныстырып өтті. Аудандық бюджеттің кірістер жағының орындалу жоспардағы 5045474,7 мың тенгенің орнына 5181303,9 мың тенге болып 102.7 пайызға орындалған. Немесе бюджеттің түсімдері 135 млн 830 мың тенгеге артық орындалған. Оның ішінде салықтық түсімдер 126 млн 435 мың тенге немесе 105,7 пайызға, салықтық емес түсімдер 8 млн 195 мың тенгеге немесе 110 пайызға артық орындалған. Бұл әрине жақсы көрсеткіш деп айтуға болады. Бюджеттің шығындар жағы жоспары 6 млрд 452 млн 533 мың тенге болса , 6 млрд 449 млн 718 тенге болып 100 пайызға орындалған. Хабарламашы барлық бюджеттік бағдарламалар әкімшілері бойынша бюджеттік орындалуын жіктеп айтып өтті. 2024 жылы бюджет қаражатына салынған нысандармен таныстырып өтті.
Қоғамдық кеңес мүшелері тарапынан бюджеттің орындалуы бойынша сұрақтар қойылып, жауаптар қайтарылды. Жарыс сөзге шыққан Қоғамдық кеңес мүшесі Қ.Сайранов аудан бюджетінің қаражатын тиімді жұмсауды, аудандағы коммуналдық мүліктердің дұрыс және аудан бюджетіне кіріс келтіре отырып пайдалануды ұсынды. Аудандық коммуналдық меншіктегі Бәйтерек сауықтыру орны, Зайсан қаласындағы қонақ үй кешені тиімді пайдаланылмай отырғанын атап өтті. Қоғамдық кеңес мүшесі М.Боранбаев та коммуналдық меншіктегі мүліктерді тиімді пайдалану жөнінде өз ойларын айтты. Басқа да Қоғамдық кеңес мүшелері мемлекеттік мүліктердің сақталуын, оларды тиімді пайдалану жөнінде өз ойларымен бөлісті. Қаржы бақылау органдарының 2024 жылы жасаған аудиторлық бақылауларының ұсынымдарының орындалуына назар аударды. Қоғамдық кеңес 2024 жылға арналған аудандық бюджетттің атқарылуы жөніндегі есепті мақұлдай отырып, алдағы уақытта аудандық бюджеттің орындалуына, коммуналдық меншіктің сақталуына және тиімді пайдалануына уақытында қоғамдық мониторинг жүргізіліп отыруды келісті .

Фото