Зайсан аудандық Қоғамдық кеңестің кезектен тыс отырыс өткізілді.

   29 сәуір 2025 жылы аудан әкімдігінің дербес бөлімдері ұсынған нормативтік құқықтық актілерінің жобаларын қарап, талқылау мерзімін сақтау мақсатында Зайсан аудандық қоғамдық кеңесінің кезектен тыс отырысы өткізілді. Отырысқа 15 қоғамдық кеңес мүшелерінің 14 мүшесі қатысты.
  Күн тәртібіндегі мәселені қарамастан бұрын аудандық қоғамдық кеңес төрағасы М.Уәли қоғамдық кеңес мүшелеріне салтанатты түрде аудандық қоғамдық кеңес мүшелігі туралы куәліктерді табыстады.
Күн тәртібіндегі бірінші мәселе «Зайсан аудандық мәслихатының 2024 жылғы 25 желтоқсандағы « 2025 – 2027 жылдарға арналған Зайсан ауданының бюджеті туралы № 30/2-ҮІІІ шешіміне өзгерістер мен толықтырулар енгізу туралы» Зайсан аудандық мәслихатының шешім жобасы туралы аудандық экономика және қаржы бөлімінің басшысы Ғ.Кожекенова хабарлама жасады. Былтырғы жылы аудандық бюджеттің кірістер жағының асыра орындалуына байланысты түскен 139 млн 147 мың тенге бюджеттің пайдаланылмаған бос қалдығын әлеуметтік салаларға бөлінуін, сондай ақ жоғарғы бюджеттерден түскен қосымша қаражаттардың әлеуметтік нысандарды салуға бөлінуі жөнінде егжей- тегжейлі айтып өтті. Әсіресе, ауылдық елді мекендерде салынатын 66 пәтерлер мен Зайсан қаласында салынатын үш қабатты 30 пәтерлі үйдің құрылысына қаражат бөлініп жатқаны маңызды мәселе екенін атап өтіп , қоғамдық кеңес мүшелері аудан көлеміндегі жолдарды орташа жөндеуге,елді мекендердің көшелерін жөндеп абаттандыруға, жарықтандыруға, басқа да әлеуметтік нысандар салуға, жөндеуге бюджеттен бөлінгелі тұрған қаражаттарды бірауыздан мақұлдады.
Күн тәртібіндегі екінші мәселе Зайсан аудандық мәслихатының 2024 жылғы 23 мамырдағы № 22/4-ҮІІІ «Әлеуметтік көмек көрсетудің, мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы шешіміне өзгеріс енгізу туралы» Зайсан аудандық мәслихатының шешім жобасы туралы аудандық жұмыспен қамту және әлеуметтік бағдарламалар бөлімінің басшысы Ж.Қинашеваның хабарламасы тыңдалды. Аудан бюджетінен мұқтаж азаматтардың кейбір санаттарына берілетін бір жолғы әлеуметтік көмектер көбейтілген. Мысалы, жыл сайын 15 ақпанда Ауған соғысына немесе басқа да әскери операцияларға қатысқан азаматтарға берілетін 100мың тенге бір жолғы көмек 150 мың теңге болып көбейтілген. Сондай ақ Ұлы Отан соғысының 80- жылдығына байланысты азаматтардың кейбір санаттарына берілетін бір жолғы әлеуметтік көмектің ұлғайтылуын қоғамдық кеңес мүшелері бір ауыздан қолдап, шешімдер жобасына жасалған барлық өзгерістер мен толықтыруларды мақұлдады. 
Күн тәртібіндегі үшінші әртүрлі мәселелер бойынша аудандық қоғамдық кеңестің төрағасы М.Уәли айтып өтті. Қоғамдық кеңестің алдағы болатын кезекті отырысының күн тәртібі тағы бір пысықталып, онда қаралатын мәселелерді сапалы дайындау үшін кеңес мүшелерінен топ құрылды.

Фото

Previous Next