Қоғамдық мониторинг жүргізілді.

       2025 жылы 14 мамыр күні Зайсан аудандық қоғамдық кеңестің төрағасы М.К.Уәлидің басшылығымен 
құрылған топ Қоғамдық кеңестің кезекті отырысында қаралатын жоспарлы мәселелердің бірі "Аудандағы қалаішілік және ауданішілік жолаушылар тасымалдау туралы" мәселені дайындап, зерделеу мақсатында қалаішілік жолаушылар тасымалдаудың жағдайына қоғамдық мониторинг жасады. Қоғамдық кеңестің төрт мүшесі қала ішінде жолаушылар тасымалдайтын көліктерге жолаушы ретінде отырып, екі қарама қарсы бағыттағы маршруттар бойынша жүріп өтіп, көлік ішінде отырған қала тұрғындарымен пікір алмасып, әр көліктің жолаушылар тасымалдау кестесінің сақталуын бақылады. Қоғамдық кеңестің екі мүшесі аялдамаларда тұрып , жолаушы тасымалдайтын көліктердің аялдамаға келу интервалдарын зерттеді. Қала ішінде қарама қарсы екі бағытта күнделікті төрт микроавтобустар жүретіні, аралық интервалдардың сақталмайтыны анықталды. Сондай - ақ жолаушы тасымалдайтын көліктер жүретін көше жолдарының, аялдамалардың жағдайы да қоғамдық кеңес мүшелерінің назарынан тыс қалмады. Қалаішілік және ауданішілік жолаушылар тасымалдауды субсидиялауға, яғни билет құнын арзандатуға аудандық бюджеттен қыруар қаржы бөлініп отыр. Осы қаражаттардың бөлінуі, тиімді жұмсалуы, тапсырыс беруші мен тапсырыс орындаушы арасындағы жасалған шарттың талаптарының толық орындалуы және оның қала, аудан тұрғындары үшін қолайлы ма деген сұрақтар қоғамдық кеңестің алда болатын кезекті отырысында бір мәселе болып қаралып, тиісті орындарға ұсыныстар жолданатын болады.
 

Фото

Previous Next