Комиссия отырысы

Ақтөбе қалалық мәслихаттың экономика, бюджет және қаржы бойынша тұрақты комиссия отырысы өтті.

Комиссия отырысына мәслихат төрағасы Анар Даржанова, мәслихат депутаттары, Қоғамдық кеңес мүшелері, қала әкімінің орынбасарлары Жұлдызбек Бисембин мен Қайрат Қуантайұлы, «Астана» және «Алматы» аудандарының әкімдері, сондай-ақ мемлекеттік мекемелердің басшылары қатысты.

Отырыста «Халық қатысатын бюджет» жобасы бойынша екі ауданның есебі тыңдалды.

Астана ауданы бойынша 2024 жылы тұрғындардан 151 жоба ұсынылып, 50 дауыстан жоғары жинаған 82 жобаның ішінен 48 жобаны жүзеге асыруға 1,5 млрд теңге бөлінді. Қазіргі таңда мердігер мекемелер анықталып, құрылыс-монтаж жұмыстары жүргізілуде. Жобаларды жыл соңына дейін аяқтау жоспарланған. Ал 2025 жылы тұрғындардан 156 жоба ұсынылып, 57-сі қажетті дауыс жинады.

Алматы ауданында 2025 жылға арналған «Халық қатысатын бюджет» аясында 26 жоба жүзеге асырылуда. Оның ішінде:

5 жоба – «ПК Фаворит» ЖШС,

14 жоба – «ТД Monolit 2030» ЖШС,

3 жоба – «BBA GROUP» ЖШС,

4 жоба – «Мир игровых комплексов KZ» ЖШС тарапынан орындалуда.

Фото

Previous Next