Қазақстан Республикасының экология, геология және табиғи ресурстар министрлігінің экология, геология және табиғи ресурстар мәселелері жөніндегі Қоғамдық кеңесті қалыптастыру жөніндегі жұмыс тобының мүшелерін сайлау туралы конкурс өткізу туралы хабарл

---

Қазақстан Республикасының экология, геология және табиғи ресурстар министрлігі (бұдан әрі – Министрлік) "Қоғамдық кеңестер туралы" Қазақстан Республикасының 2015 жылғы 2 қарашадағы №383 Заңына және Қоғамдық кеңес туралы 2021 жылғы 26 ақпандағы № 69 Үлгілік ережеге сәйкес қоғамдық маңызы бар мәселелер бойынша азаматтық қоғамның пікірін білдіру, мемлекеттік органдардың қоғамдық кеңестер алдындағы есептілігі мақсатында мемлекеттік органдар басшыларының сөйлеген сөздерінің жариялылығын қамтамасыз ету мақсатында Қоғамдық кеңестің жаңа құрамын қалыптастыру жөніндегі Жұмыс тобының мүшелерін іріктеу бойынша конкурс өткізілетіні туралы хабарлайды.

Жұмыс тобының сандық құрамы 9 адам, оның ішінде 3 – мемлекеттік органның өкілдері, 6 – коммерциялық емес, үкіметтік емес ұйымдардың өкілдері, Қазақстан Республикасының азаматтары.

Конкурсқа қатысуға ниет білдірген азаматтар, коммерциялық емес, үкіметтік емес ұйымдардың өкілдері жұмыс тобының мүшелерін іріктеу бойынша конкурс өткізу туралы хабарландыру орналастырылған күннен бастап күнтізбелік бес күн ішінде келесі құжаттырды қолма-қол ұсынады немесе электрондық мекенжайға жолдайды:

1) 1-ші қосымшаға сәйкес нысан бойынша жұмыс тобының құрамына кандидатураны ұсыну туралы азаматтың өтініші;

2) коммерциялық емес ұйымның жұмыс тобының мүшелігіне кандидатура (бар болса) ұсыну туралы жазбаша ұсынысы;

3) кандидаттың кәсіптік және (немесе) қоғамдық қызметі туралы мәліметтер;

4) Қазақстан Республикасы азаматының жеке куәлігінің көшірмесі.

Сонымен бірге, жұмыс тобының отырыстарына қатысуға үкіметтік емес ұйымдардың, бұқаралық ақпарат құралдарының, мемлекеттік органдардың, халықаралық ұйымдардың өкілдері болып табылатын дауыс беру құқығы жоқ байқаушылар жіберіледі.

Жұмыс тобының отырысына байқаушы ретінде қатысу үшін байқаушы болуға ниет білдірген адам 2-ші қосымшаға сәйкес нысан бойынша қоғамдық кеңесті қалыптастыру жөніндегі жұмыс тобының мүшелерін іріктеу жөніндегі конкурсқа байқаушы ретінде қатысу үшін мемлекеттік органға өтініш береді, немесе электрондық мекенжайға жібереді.

Қоғамдық кеңесті қалыптастыру жөніндегі жұмыс тобының мүшесі Қоғамдық кеңес мүшелігіне сайлау үшін конкурсқа жіберілмейді.

Конкурсқа қатысу үшін құжаттар кандидаттың ТАӘ, байланыс деректері, оның өмірбаяны мен құжаттары қоса көрсетілген келесі мекенжайға ұсынылады (жолданады): 010000, Нұр-Сұлтан қаласы, Есіл ауданы,Мәңгілік Ел көшесі, 8, "Министрліктер Үйі" Әкімшілік ғимараты, 15 кіреберіс, каб. 411, электрондық мекенжайлары: aya.orynbaeva@ecogeo.gov.kz , a.abutalip@ecogeo.gov.kz

Қосымша ақпарат пен анықтамаларды: 8 (7172) 74-09-74, 75-09-84 телефондары арқылы алуға болады.

@EcologyofQazaqstan