2025 жылдың 1-ші  тамызында Алматы облысының туристік және рекреациялық аймақтарының жай-күйін қоғамдық бақылау шеңберінде көшпелі экологиялық мониторинг жүргізілді.

Алматы облысының туристік аймақтарында қоғамдық экологиялық бақылау өтті
2025 жылдың 1-ші  тамызында Алматы облысының туристік және рекреациялық аймақтарының жай-күйін қоғамдық бақылау шеңберінде көшпелі экологиялық мониторинг жүргізілді. Іс-шараға Қонаев қаласының әкімшілік аппараты, қалалық және облыстық Қоғамдық кеңес мүшелері, «Жасыл қала Қонаев» ШЖҚ МКК, қалалық ішкі саясат бөлімі, БАҚ өкілдері арнайы келді. 
 Көшпелі экологиялық мониторинг Қонаев қаласының аумағында орналасқан 5-ші және 6-шы жағажай аумағында өтті.
Негізгі мақсат - өзекті экологиялық проблемаларды анықтау, жағалау аймағының санитарлық жағдайын бағалау, сондай-ақ демалушылар үшін инфрақұрылым мен жағдайды жақсарту бойынша ұсыныстар әзірлеу.
Қазір шомылу маусымы болғандықтан, аталмыш нысандарда барлық қауіпсіздік шаралары сақталған. Атап айтар болсақ, суға түсу кезінде жағалау сызығынан асқан кезде дереу ескертіледі, қоқс тұрақты түрде тазаланады, медпунктер жүйелі жұмыс жасайды, құтқарушы жігіттер әрдайым көмек қолын созып отырады. Енді нақты цифрды сөйлетсек, маусым айында 15 адам, шілде айында 18 адам құтқарылды. Жалпы, Қапшағай су қоймасында азаматтардың қаза табуының 6 дерегі тіркелді, 33 адам құтқарылды.Оның ішінде 22 ер (8 кәмелеттік жасқа толмаған), 11 әйел (5 кәмелеттік жасқа толмаған) адам. Мейірбике Әсел Кеңесбайдың айтуынша, 6-шы жағалауда 1 ай ішінде 10 адамға дәрігерлік көмек көрсетілген. 
Айта кетейік, 5-ші жағажайда құтқарушылар саны 15 құтқарушыдан 22-ге өскен. Ал, 6-шы жағажайға тағы үшеу қосылған. Мұндағы 6 дәретхананың 4-і мүмкіндігі шектеулі жандарға арналған. Осындай түзетулер барына куә болдық. Сондай-ақ, 4 лед-экран орнатылған. Қоса кетейік, 5-ші жағалауда 22 дауыс зорайтқыш орнатылған. 4 құтқару мұнарасы және судағы тәртіп ережелерімен таныстыратын ақпараттық стендтер бар. Су көліктері мен шағын көлемді кемелерге арналған 2 бөлек орын белгіленген. 
Осы бағыттағы жұмысты Қоғамдық кеңес маусым аяқталғанша жүргізе береді. Бірқатар ұсақ кемшіліктер әлі де болса, бар. Соларға қатысты ескертулер берді. Мәселен, жаңағы киім ауыстыру кабинкалар (6-шы жағажайда) санын көбейту керек. Оны ақылы емес ету қажет.  
Құтқаруға қатысқан 2 жігіттің біреуі 8, екіншісі 6 адамды құтқарған. Мейірбике 10 адамға тікелей көмектескен. Осыған орай, жұмысшы жылы болғандықтан осы азаматтарды марапаттаудың  Алматы облыстық Қоғамдық кеңесі бастамашысы болмақ. Бір ескеретін жәйт, мейірбикеге өте шұғыл түрде көмек көрсету үшін самокат қажет екенін көрдік. Осындай көлікпен қамтамасыз етуді жергілікті атқарушыларға жолдаймыз.       
    Қоғамдық бақылау шеңберінде көшпелі экологиялық мониторинг нәтижесі өз деңгейінде жұмыс жасап тұрғанының куәсі болдық.

Фото

Previous Next