ОТЫРЫСЫ

мм

Осы жылдың 5 тамызында облыстық Қоғамдық кеңестің Президиумы «Ақмола облысының білім басқармасы» ММ және «Ақмола облысының денсаулық сақтау басқармасы» ММ мемлекеттік органдарының қатысуымен отырыс өткізді. Отырыста Ақмола облысы әкімдігінің «Ақмола облысының мектепке дейінгі ұйымдары тәрбиеленушілерінің жекелеген санаттарына тамақтану шығындарын өтеу туралы» 2023 жылғы 23 маусымдағы № А-7/249 қаулысына өзгеріс енгізу туралы» және Ақмола облысы әкімдігінің «2025-2026 оқу жылына жоғары және жоғары оқу орнынан кейінгі білімі бар кадрларды даярлауға арналған мемлекеттік білім беру тапсырысын бекіту туралы» 2025 жылғы 16 маусымдағы № А-6/317 қаулысына өзгеріс енгізу туралы» қаулы жобаларын талқылау мәселелері қаралды.

Аталған мәселелер қаралып, олар бойынша оң қорытындылар берілді, алайда «Ақмола облысының жекелеген азаматтарына амбулаториялық емделу кезінде тегін медициналық көмектің, оның ішінде дәрілік заттардың, мамандандырылған емдік тағам өнімдерінің, медициналық бұйымдардың кепілдендірілген көлемін қосымша ұсыну туралы» Ақмола облыстық мәслихатының 2024 жылғы 27 маусымдағы № 8С-11-10 шешіміне өзгерістер мен толықтырулар енгізу туралы» НҚА жобасы ұйымдастыру мәселелерін шешуге байланысты қаралмай қалды, оны қарау мерзімі 2025 жылдың 8 тамызына дейін.

Президиум мүшелерін әлеуметтік салалардағы маман кадрлардың тапшылығынан бастап оқуды аяқтағаннан кейін олардың өтеу мерзімдеріне дейінгі мәселелер алаңдатты.

Күн тәртібінде көрсетілген мәселелерден басқа, Президиум мүшесі И.Г. Плюснин барлық Ақмола облысының Қоғамдық кеңестері бойынша мониторингтік топтар құру туралы ұсыныс енгізді. Мақсаты – аудандар мен аудандық маңызы бар 8 қалада: Ақкөл, Атбасар, Державинск, Ерейментау, Есіл, Макинск, Степняк, Щучинск қалаларында жобалардың іске асырылу барысына қоғамдық бақылау жүргізу. Сонымен қатар, бұл ұсыныс Ақмола облысының Ішкі саясат басқармасының қолдауымен облыстың барлық Қоғамдық кеңестерімен бірге жалпы дөңгелек үстел өткізуге мүмкіндік береді. Қазіргі уақытта Ақмола облысы Қоғамдық кеңесінің заңдылық және сыбайлас жемқорлыққа қарсы іс-қимыл жөніндегі комиссиясы уәкілетті тұлғалардың атына тиісті хат-ұсыныс дайындауда.

Фото

Previous Next