ШЫМКЕНТ: СЕНАТОРЛАР МӘСЛИХАТ ДЕПУТАТТАРЫМЕН, ҚОҒАМДЫҚ КЕҢЕС МҮШЕЛЕРІМЕН КЕЗДЕСТІ

Қазақстан Республикасы Парламент Сенатының депутаттары Нұрлан Құдиярұлы Бекназаров пен Айгүл Жарылқасынқызы Қапбарова арнайы іссапармен келіп, Шымкент қаласы мәслихатының депутаттарымен, қоғамдық кеңес мүшелерімен кездесті.

Жиынды Шымкент қаласы мәслихаты төрағасының міндетін атқарушы Альбина Балғабайқызы Елшиева жүргізіп, депутаттар мен кеңес мүшелері тарапынан бірнеше өзекті сауалдар қойылып, шешу жолдары талқыланды. Атап айтар болсақ әлеуметтік, сақтандыру, тұрғын үй, білім, кәсіпкерлік, сонымен қатар қаламыздағы бірнеше басым бағыттар бойынша сауалдар қойылды. Өз кезегінде сенаторлар Парламент жоғарғы палатасының осы уақытқа дейін атқарған жұмыстарын және қабылданған заңдардың маңызы туралы егжей тегжейлі хабардар етті.

Н.Бекназаров және А.Қапбарова жиында көтерген сауалдар мен ұсыныстарды жан-жақты қарап, мәселелерді толықтай зерделегеннен кейін жұмыс барысында шешуге ықпал ететіндігін жеткізді.

Сондай-ақ, жиынға қатысқан мәслихат депутаттарына осы бағытта кешенді шараларды іске асыру үшін жұмыла жұмыс істеуге шақырды.

Фото

Previous Next