ШЫМКЕНТ:ҚОҒАМДЫҚ КЕҢЕС ОТЫРЫСЫ ӨТТІ

Бүгін Шымкент қаласы Қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Бұхарбай Рысқұлұлы Парманов жүргізіп отырды. Жиынға кеңес мүшелері, БАҚ өкілдері, тиісті мемлекеттік орган басшылары қатысты.

Күн тәртібіне сәйкес Қазақстан Республикасы Ұлттық экономика министрлігі Табиғи монополияларды реттеу комитетінің Шымкент қаласы бойынша департаментінің басшысы К.Кошекбаевтың, Қалалық жайлы ортаны дамыту басқармасының басшысы Ә.Оңғардың, Ішкі саясат және жастар істері жөніндегі басқармасының басшысы А.Жұмағұлованың баяндамалары тыңдалып, табиғи монополияларды реттеу комитетінің Шымкент қаласы бойынша департаменінің баяндамасы қанағаттанарлықсыз деп танылып, келесі отырысқа қалдырылды.

Шымкент қаласы Табиғи монополиялар субъектілерінің (бұдан әрі – ТМС) тіркелімінде 76 қызмет түрі бойынша 56 ТМС енгізілген. Бұдан басқа, қоғамдық маңызы бар нарықтың 1 субъектісі бар.Департамент 5 базалық ТМС қызметін реттейді(«Су құбыры және канализация» МКК, «Су ресурстары - Маркетинг» ЖШС, «3-Энергоорталық» АҚ, «Қуатжылуорталық-3» МКК және «QAZAQGAZ AIMAQ» АҚ ШӨФ). Қазіргі таңда барлығы Заң талабына сәйкес 5-жылдық тарифтері бекітіліп жұмыс жасауда.

Шымкент қаласының қалалық жайлы ортаны дамыту басқармасының 2025 жылға жоспарларған бюджеті 26 049,3 млрд теңгеніқұрайды. Оның ішінде «МЖӘ» аясында іске асырылатын жобаларға (15 175,6 млн теңге), Шымкент қаласының каналдардың техникалық жай-күйін күтіп ұстау және жақсарту, су ағынын бақылау және арттыру (3 106,6 млн теңге), күтіп ұстау шығындары (217,4 млн теңге), Дендрологиялық саябақтың күтіп ұстау шығындары (763,3 млн теңге), «Жасыл Белдеу» КММ күтіп ұстау (515,6 млн теңге), қала көшелері мен саябақ аумақтарын абаттандыру, көгалдандыру (4 332,7 млн теңге) шығындарына бағытталған.

Ішкі саясат және жастар істері жөніндегі басқармасында 5 бөлім және қарасты 4 мекеме бар. Олар:1) «Қоғамдық келісім» КММ-сі;2) «Жастар ресурстық орталығы» КММ-сі;3) «Өңірлік коммуникациялар орталығы» КММ-сі;4) «Шымкент ақпарат орталығы» ЖШС-іБасқарманың ағымдағы жылға арналған тиісті іс-шаралар жоспары бекітіліп, оған сәйкес тиісті жұмыстар жүргізілуде.

Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.

Фото

Previous Next