Қазкеңес жаңалықтары

КӘСІПКЕРЛІК САЛАСЫНДАҒЫ ҚЫЗМЕТ САПАСЫНА ҚОҒАМДЫҚ БАҚЫЛАУ

11 тамыз күні Жамбыл облыстық қоғамдық кеңесінің мониторингтік тобының мүшелері – Рахманбердиев Рахметілда, Сейдахмет Сейтбеков және Елена Балло бекітілген кестеге сәйкес Жамбыл ауданына барып, кәсіпкерлік бөлімінің жұмысын қоғамдық мониторингтен өткізді.

Бұл қоғамдық мониторинг азаматтарға теріс әсерін тигізетін жағдайларды, мемлекеттік органдар тарапынан кәсіпкерлердің мүдделерінің бұзылу фактілерін анықтау, кәсіпкерлік саласындағы мемлекеттік қызметтердің сапасын тексеру, сондай-ақ туындаған мәселелерді шешу жолдарын қарастыру мақсатында жүргізілді.

Сапар барысында аудан кәсіпорындарының жұмысымен танысты. Олардың қатарында жұмыртқа өндіретін "AY KUS" ЖШС, аймаққа бұрыннан таныс "Аман-Ата" жеке кәсіпкерлігінің наубайханасы, жол бойындағы сервис құрылысы жүріп жатқан "Тан Петройл" ЖШС жанармай құю бекеті, толық сервис ұсынатын "Арзан Сити 3" ЖШС (кафе, сауда орталығы, қонақүй және монша) бар.

Сондай-ақ, шілде айында құрылысы басталып, биыл қарашада аяқталуы жоспарланған "GOLD FISH" жеке кәсіпкерлігінің жаңа нысанында болып, құрылыс барысындағы проблемалық мәселелер талқыланды.

Қоғамдық мониторинг қорытындысы бойынша көрсетілетін қызметтердің сапасын жақсартуға бағытталған ұсыныстар мен ұсынымдар әзірленеді.

8 тамыз күні Жамбыл облыстық қоғамдық кеңесінің мониторингтік тобының мүшелері – Рахманбердиев Рахметілда, Сейдахмет Сейтбеков және Елена Балло бекітілген кестеге сәйкес Жуалы ауданына барып, кәсіпкерлік бөлімінің жұмысын қоғамдық мониторингтен өткізді.

Мониторингтің мақсаты – азаматтарға теріс әсерін тигізетін жағдайларды, мемлекеттік органдар тарапынан кәсіпкерлердің мүдделерінің бұзылу фактілерін анықтау, кәсіпкерлік саласындағы мемлекеттік қызметтердің сапасын тексеру, сондай-ақ туындаған мәселелерді шешу жолдарын қарастыру.

Сапар барысында ауданның бірқатар кәсіпорындарының жұмысымен танысты. Атап айтқанда, газдалған және газдалмаған су өндіретін "Ақсай Жуалы" ЖШС, сүт өнімдерін өңдейтін "Олжа" жеке кәсіпкерлігі және "ALI-KO SUT 2023" ЖШС, "Tik Acy Нан" наубайханасы, сондай-ақ Жамбыл облысының ірі туристік нысандарының бірі – "Koksai Resort" демалыс аймағы болды.

Қоғамдық мониторинг нәтижесінде көрсетілетін қызметтердің сапасын арттыруға бағытталған ұсыныстар мен ұсынымдар әзірленетін болады.

Фото