АУЫЛДАРДАҒЫ ӨЗЕКТІ МӘСЕЛЕЛЕР ТАЛҚЫЛАНДЫ

Бүгін 25 ақпанда ауданға қарасты Шебір, Тұщықұдық ауылдарында  Маңғыстау аудандық мәслихатының төрағасы Е.Махмутов, «Amanat» партиясы аудандық филиалы төрағасы Ш.Барахатов, аудандық  қоғамдық кеңес төрағасы Қ.Төлепбергенов сайлаушылармен ауылдағы өзекті мәселелерді талқылау жөнінде кездесу өткізді.
Депутаттар ауыл тұрғындарын ауданда жасалған жұмыстармен қатар алдағы жоспарлар жөнінде таныстырып өтті.
Кездесуде Шебір ауылы тұрғындары тарапынан ауыз су сапасының төмендігін, соңғы бірнеше жылдан бері су тазалау фильтрі ауыстырылмағандығын, Тұщықұдық-Шебір ауылдары арасындағы су құбыры диаметрі кіші турбамен  қосылғандығын,  салдарынан жаз айларында су тапшылығы болып тұратындығын сөз етті.
Тұщықұдық ауылы тұрғындары ауданнан ауылға қатынайтын жаңа автобус қатынасы ашылғандығын, қазіргі таңда Шебір-Тұщықұдық-Шетпе ауылдарына бір автобус қатынайды, соңғы аялдама Шебір ауылы болып табылады. Автобус жүргізушілері екі күндік ауысыммен жұмыс жасайды. Бір ауысымның жүргізушісі Шебір ауылының тұрғыны болса, екіншісі Тұщықұдық ауылының тұрғыны. Автобусқа жүру маршрутын есептейтін құрылғы қондырылғандықтан жүргізуші автобусты кеште Шебір ауылына апарып қойып, таңда ерте барып кері айдап шығуы қажет.  Ол Тұщықұдық ауылынан баратын автобус жүргізушісі үшін тиімсіз болғандықтан, жұмыстан шыққан. Сондықтан  өз ауысымында Тұщықұдық ауылына қоятын болса деген ойларын жеткізді.
Сонымен қатар жұмысыздық, ауыл іргесінен шөп шабу, фонтан сулары тартылуда, соларды қайта қазу, тазарту және өрт сөндіру бөлімшесінің құрылысы және өрт сөндіру бөлімшесі қызметкерлерінің жалақысын көтеру сияқты мәселелер талқыланды.
Кездесу барысында ауыл тұрғындары ауылда көптеген істер атқарылып жатырғандығы, алайда әлі де атқарылатын жұмыстар бар екендігін айтты.
Алдағы уақытта ауыл тұрғындарының көтерген өзекті мәселелерін, шешу бағытында тиісті мемлекеттік органдарға ұсыныстар беріліп, шешу жолдары қарастырылатындығы жеткізілді.

Фото

Previous Next