ҚЫЗАН, АҚШЫМЫРАУ АУЫЛДАРЫНДА ТҰРҒЫНДАРМЕН КЕЗДЕСУ

Бүгін 26-ақпан күні аудандық Қоғамдық кеңес төрағасы Қанат Төлепбергенов аудандық Мәслихат төрағасы Е.Махмутов, аудандық "AMANAT" партиясының төрағасы Ш.Барахатов, ауданға қарасты Қызан, Ақшымырау ауылында  ауыл тұрғындарымен кездесу өткізді. Жиында аудандағы жасалып жатырған жұмыстар жөнінде және  келген әрбір өкілдің атқаратын қызметтері айтылды  
 
     Жиын барысында ауыл тұрғындарына жаңадан құрылған аудандық қоғамдық кеңес құрамы және кеңес төрағасы Қанат  Төлепбергенов таныстырылды.  Өз кезегінде сөз алған аудандық Қоғамдық кеңес төрағасы Қ.Төлепбергенов: тұрғындардың ұсыныс, пікірлерін тыңдай келе оң шешімін табу жолында жұмыстанатынын жеткізді.

        Аудандық мәслихат депутаты Ш.Барахатов сөз алып,депутаттық қызметтермен бірге партия тарапынан ұйымдастырылған “Ауыл аманаты”, “Қарыссыз қоғам” сияқты бағдарламалар жөнінде кеңінен тоқталды.
Қызандықтар тарапынан ауданаралық жүріп бастаған автобус Ақшымырау-Қызан-Шетпе ауылы арасындағы автобус Ақшымырау ауылынан толық болып шығып,Қызаннан мінетін жолаушыларға орын болмай қалатынын жеткізді. Ауыз суға байланысты жаңа шағын аудандарға тартылған ауыз суды пайдалана алмай отырғандығын, су құбырын тартқанда жекелеген тұрғын үйлерге су есептеу құрылғысы қондырылмағандығын атап өтті.
Одан бөлек, көше жарығы,жалпы электр желісінің үздіксіз қызмет жасауы сияқты мәселелерде айтылды.
Жиын соңында Мәслихат төрағасы Е.Махмутов ниет білдірген тұрғындарды жеке қабылдап,олардың мәселелерін тыңдады.   
Ақшымыраулықтар ауылды сусымалы көшпелі құм басу қауіпі бар екендігін,оны тоқтату, “Қайдақ” сорынан тіке Сайөтес жеріне шығатын автокөлік жолы, ауылдан өрт сөндіру депосы салынса деген өтініштерін жеткізді.
 

Фото

Previous Next