Қазкеңес жаңалықтары

Абай облысының жаңадан құрылған Қоғамдық кеңесінің алғашқы отырысы өтті.

Бүгін Абай облысының Қоғамдық кеңесінің алғашқы отырысы өтті.

Отырысты облыстық мәслихат төрағасы Байбеков Шалқар Заманбекұлы ашып, жаңадан сайланған кеңес мүшелерін құттықтап, жұмыстарына сәттілік тіледі. Қоғамдық кеңесті қалыптастыру жөніндегі жұмыс тобының төрағасы Мұрат Алин конкурс нәтижесімен таныстырды.

Конкурсқа 51 үміткер өтінім беріп, әңгімелесу нәтижесінде 33 кандидат Қоғамдық кеңеске мүше болып сайланды, ал 17 үміткер резервтік тізімге енгізілді.

Алғашқы отырыстың күн тәртібіне сәйкес, Қоғамдық кеңестің төрағасын сайлау өткізілді.

Ашық дауыс беру қорытындысы бойынша, Айнабеков Мейрамхат Кәрібекұлы бірауыздан Төраға болып сайланды. Барлық қатысушылар оның кандидатурасын қолдады.

Жаңа құрамдағы Қоғамдық кеңес облыстың әлеуметтік-экономикалық дамуына үлес қосып, қоғам мен билік арасындағы тиімді диалог алаңына айналады деп күтілуде.

Фото