«UMTYLYS»  байқауында Алматы облыстық Қоғамдық кеңес төрағасы, заң ғылымдарының кандидаты, профессор Қ.Дауталиев сөз алып, жалын атқан жастарды айтулы мерекелерімен құттықтады

Күні кеше, «12-тамыз Халықаралық жастар» күніне байланысты, Алматы облысы Жастар саясаты басқармасының ұйымдастыруымен «UMTYLYS» атты  мәдени іс-шара өтті. Бұл - ауылдық округтердегі жастар ісі жөніндегі әдіскер-нұсқаушы деген маман иелерінің облыстық деңгейде сайысқа түсіп, бәйгеге шауып,  бақ сынауы. Айта кетейік, айтулы мамандар әрбір округте бар.
«UMTYLYS»  байқауында Алматы облыстық Қоғамдық кеңес төрағасы, заң ғылымдарының кандидаты, профессор Қ.Дауталиев сөз алып, жалын атқан жастарды айтулы мерекелерімен құттықтады. Әрі үздік әдіскер-нұсқаушылардың жұмысын саралап, марапаттады. Өз сөзінде Қазыбек Нұрсейітұлы: «Қазақстан халқының 33%-ын жастар құрайды. Сондай-ақ, соңғы конституциялық реформалар аясында жастарға мәслихаттан, парламенттен 30%-тік квота беріліп отыр. Оның ішінде жастар категориясы және әйелдер, мүмкіндігі шектеулі тұлғаларға квота енгізілді. Бүгінгі таңда облыстық Қоғамдық кеңестің құрамының 15,4%-н жастар құрауда. Бұл көрсеткішті 2030 жылға дейін 25%-ға дейін жеткізуді көздейміз. Алдағы уақытта Алматы облысы Қоғамдық кеңесі Жастармен бірлесе, жаңа бір жоба бастамақшы. Ол жоба бойынша Қоғамдық кеңестің мониторинг топтарының құрамына белсенді жастарды тартып, уақыты келгенде Қоғамдық кеңестің мүшесі ретінде қабылдауды  жоспарлап отырмыз», ¬- деді. 
Сонымен бірге, орнықты дамудың мақсаттарына сәйкес, Президенттің тікелей бастамасымен Қазақстанда Орталық Азия және Ауғанстан деген офис ашылды. БҰҰ-ның ОДМ – 17 мақсатына сәйкес, қоғамдық өмірге құлшына араласатын, мемлекет ісін алдағы уақытта дөңгелетіп әкететін жастарды таңдап, қолдап, олармен болашақта бірлесе жұмыс жасау. Бұл да – Алматы облыстық Қоғамдық кеңестің негізгі міндеттерінің бірі. Осы жүйелі түрде жүзеге асады деген үміттеміз.

Фото

Previous Next