МИНИСТР А.БАЛАЕВАМЕН ЖЫЛЫ ЖҮЗДЕСУ

 🇰🇿ҚР Мәдениет және ақпарат министрі Аида Балаева 14 тамызда Тараз қаласының “Бақытты балалық шақ” оқушылар сарайында тұрғындармен кездесу өткізді. 

Кездесуге мәдениет саласының қызметкерлері, жазушылар одағының мүшелері, ардагерлер, қоғамдық кеңестер мүшелері, этномәдени бірлестіктер өкілдері, басқарма қызметкерлері, ҮЕҰ, БАҚ өкілдері, барлығы 400-ге жуық адам қатысты. 

Еліміздің тұрақты дамып, көркеюі өңірлердің дамуына тікелей байланысты екендігін атап айтқан Аида Ғалымқызы осы бағытта жасалып жатқан жігерлі, қуатты еңбектері үшін өңіріміздің барлық азаматтарына ризашылығын білдірді. 

Тәуелсіз, Қуатты, Тұрақты Қазақстан құру жолында елімізді дамыту, тұрақтылықты нығайту бәрімізге ортақ міндет екендігіне тоқталған министр осы мақсатта ұйымдастырылған кездесуге қатысушыларды көкейтесті мәселелерді талқылауға шақырды. 

Презентация барысында еліміздің ақпарат саласында “Масс медиа туралы”, “Онлайн- платформалар және онлайн-жарнама туралы” Заңдар қабылданғаны, БАҚ- 4906, мерзімді басылым - 3018., телеарна -238., радио - 99 болса, ақпараттық агенттіктер мен Интернет-басылым - 1246 болса, ал Жамбыл облысында -161 БАҚ қызметтері көрсетілетіні баяндалды. 

Өңірлердегі мәдени нысандардың инфрақұрылымы, “Киноматография туралы” Заңға өзгерістер мен толықтырулар қарастырылуы, кинотеатрларда көрсетілетін фильмдерді алдын ала сараптаудан өткізу тетіктерін қарау, қазақ анимациясын дамыту бойынша 5 жылдық жоспар әзірлеу барысы туралы жан-жақты айтылды. 

Азаматтық қоғам саласында ҮЕҰ саны 2,5 есеге артқаны, 23 мыңнан астам ұйым тіркелгені, 264 Қоғамдық кеңестер құрылғаны, оның ішінде Жамбыл облысында 12 Қоғамдық кеңестің 193 мүшесі қоғамдық қызмет атқаратынын атап өтіп, презентациялық баяндамасын аяқтаған Министр кездесуге қатысушылар тарапынан қойылған сұрақтарға жауап берді. 

Министрге ардагерлер ұйымы, танымал журналистер, ақын-жазушылар, этномәдени бірлестік өкілдері өзекті мәселелер туралы сұрақтар қойды. 

Қоғамдық кеңестердің электрондық почтамен ғана жұмыс жасауы, техникалық мүмкіндіктер болмауына байланысты мемлекеттік органдардың Документолог платформасын қолдана алмауы салдарынан орын алған қиындықтар туралы мәселені облыстық кеңестің төрағасы Дүйсеналы Бықыбаев көтерді.

Аида Ғалымқызы Қоғамдық кеңес мүшелерінің қоғамдық бақылау саласындағы міндеттерді орындауы, оның ішінде мемлекеттік органдардың жұмыс нәтижелері туралы есептерін тыңдау, салалық экспертиза жасауға барлық мүмкіндіктері бар екендігіне тоқталып, 2015 жылы қабылданған “Қоғамдық кеңестер туралы” Заңды жетілдіру туралы ұсыныстарға байланысты жыл сайын өзгерістер енгізілгені, алайда аудандық, қалалық, облыстық, республикалық деңгейлердегі кеңестер өзінің әлеуетін дұрыс пайдаланбай келе жатқанын баса айтты. 

Министр атап өткендей, Президентіміз әр саладағы немесе қоғамдағы болып жатқан көкейтесті мәселелерге өзінің бағасын беріп, тапсырмасын жүктеп отыр. Осындай мәселелердің барлығы қоғамдық кеңестердің деңгейінде, облыстың деңгейінде қаралуы тиістігі, жұмыс жалпы кеңестердің құрамына байланысты жүргізілетінін айта келе, Аида Ғалымқызы Жамбыл облысының кеңесі жұмыс жасап жатқаны, облыс әкімдігі кеңестермен дұрыс қарым-қатынаста жұмыс жасау, кеңестің жұмысына мүмкіндіктер ашу, мемлекеттік органдардың кеңестермен тығыз байланыста жұмыс жасау керектігі туралы облыс әкімінің орынбасары Айжан Есмағамбетоваға тапсырма берді. 

Қоғамдық кеңестердің қызметінде 
“Документолог” электрондық құжат айналымын пайдалану механизмдерін министрлік, Үкімет жанынан құрылған қоғамдық кеңестер арқылы қарастыру қажеттігін, егер қоғамдық кеңестер ұсыныстарын бере алмаса, жұмысын көрсете алмаса оның маңыздылығы неде деген министр бұл мәселеге атсалысатынын және келесі келгенде қоғамдық кеңес мүшелерімен міндетті түрде кездесетінін жеткізіп, жұмыстарымызға сәттілік тіледі.

Фото

Previous Next