Қоғамдық кеңес пен Мәжіліс депутаттарының кездесуі өтті

Қоғамдық кеңес пен Мәжіліс депутаттарының кездесуі өтті

Бүгін Маңғыстау облысының Қоғамдық кеңесі мен ҚР Парламенті Мәжілісінің депутаттары Еділ Жанбыршин және Самат Мұсабаевтың қатысуымен кездесу ұйымдастырылды.

Жиынның басты мақсаты – өңір тұрғындары үшін өзекті мәселелерді талқылау, қабылданған заң жобалары туралы ақпарат беру және алдағы заңнамалық бастамалармен таныстыру болды.

Депутаттар өз сөздерінде Парламентте қаралып, қабылданған бірқатар заңдардың мән-маңызына тоқталып, олардың әлеуметтік-экономикалық салаға тигізетін ықпалын түсіндірді. Сондай-ақ, алдағы уақытта Мәжіліс қарауына ұсынылатын заңнамалық бастамалардың негізгі бағыттарын таныстырды.

Өз кезегінде Қоғамдық кеңес мүшелері жергілікті халықты толғандыратын мәселелерді көтеріп, әлеуметтік инфрақұрылым, өңірлік даму, экологиялық қауіпсіздік және жұмыспен қамту салалары бойынша нақты ұсыныстарын ортаға салды.

Кездесу конструктивті жағдайда өтіп, ашық диалог форматында өтті. Қоғамдық кеңес пен депутаттар арасындағы пікір алмасу қоғам мен Парламент арасындағы байланысты нығайта түсіп, өңірдің әлеуметтік-экономикалық дамуына ықпал ететін тиімді шешімдер қабылдауға негіз болады.

Фото

Previous Next