Қазкеңес жаңалықтары
KazKENES жаңалықтарыТүйткілді мәселел бойынша қоғамдық тыңдау
20 тамызда аудандық мәдениет үйінде Ақтоғай ауданының Қоғамдық кеңесінің отырысы өтіп, онда Ақтоғай елді мекені шегінде ауыл шаруашылығы жануарларын күтіп-бағу және өсіру үшін ірі мал үй-жайларын салудың заңдылығы мәселесі бойынша қоғамдық тыңдау өткізілді.
Қоғамдық тыңдауды өткізуге Ақтоғай ауылы тұрғындарының ауданының Қоғамдық кеңесіне, жеке қосалқы шаруашылықтарда малды ұстау үшін қажетті сарайлар алаңынан едәуір асатын үлкен көлемдегі мал үй-жайларын салудың жиілеп кеткен тәжірибесі туралы ұжымдық мәлімдемесі себеп болды.
Дайындық үдерісі барысында жергілікті және аумақтық мемлекеттік органдардың басшыларымен регламенттеуші нормативтік-құқықтық актілердің болуы, осы әлеуметтік маңызды мәселені шешу жөнінде ұсыныс енгізу тұрғысынан кеңестер өткізілді.
Бұдан басқа, жұмыс тобы тиісті органдардан АЖС базасында және шаруашылық кітап бойынша ауыл шаруашылығы жануарларының ірі мал үй-жайлары иелерінде мал басының болуы туралы ақпарат сұратылды. Сондай-ақ ұймдасқан шаруашылықтардың Мемлекеттік кірістер органдарында тіркелуі туралы мәліметтер алынды.
Қоғамдық тыңдауды өткізу туралы аудан орталығының тұрғындарына алдын ала, яғни аудандық "Ауыл тынысы" газеті, әлеуметтік желілер және ватсап чаттары арқылы өткізілгенге дейін кемінде он күн бұрын хабарланды.
Тыңдауға осы мәселені шешуге қандай да бір мүдделі барлық жергілікті және аумақтық мемлекеттік органдардың басшылары шақырылды.
Қоғамдық тыңдауға аудан әкімінің орынбасары Дархан Дощанов қатысты.
Қаралған мәселенің қорытындысы бойынша Қоғамдық кеңес ұсынымдар қабылдады, онда тиісті мемлекеттік органдарға жеке қосалқы шаруашылық туралы заңды тезірек әзірлеу және қабылдау туралы жоғары тұрған органдарға хатпен шығу ұсынылды. Сондай-ақ, халық арасында елді мекен шегінде ірі мал үй-жайларын салудың қажетсіздігі туралы кең түсіндіру жұмыстарын жүргізу, жемшөптің үлкен көлемін сақтау кезінде өрт қауіпсіздігі талаптарын мүлтіксіз орындау, дезинфекциялық және дезинсекциялық жұмыстар жүргізу бойынша мал үй-жайларының иелеріне қойылатын талаптарды күшейту ұсынылды.
Шайахмет Сәдуақасов, Ақтоғай аудандық ҚК хатшысы
Фото
