Аудандық Қоғамдық кеңестің кезектен тыс отырысы болып өтті.

Аудандық Қоғамдық кеңестің кезекті отырысы өтті.
     7 тамыз 2025 жылы аудандық қоғамдық кеңестің кезекті отырысы өтті.Қоғамдық кеңестің 15 мүшесінен қоғамдық кеңес отырысына 12 мүшелері қатысты.Күн тәртібінің бірінші мәселесінде аудандағы бюджеттік мекемелердің қысқа дайындығы мен халықты көмірмен қамтамасыз ету жөнінде аудандық тұрғын үй,коммуналдық шаруашылық,жолаушы көлігі және автомобиль жолдары бөлімінің басшысы  Ә.Жұмағалиевтің хабарламасы тыңдалды.Негізінен бюджеттік мекемелер қыс маусымына от жағу қазандықтарын,жылу жүретін жүйелерін толық тексерістен өткізіп,істен шыққан бөлшектерін ауыстырып, толық жөндеу жұмыстарын жүргізіп,комиссиялармен тексеріс өткізіп,қабылдап алынған.Қатты отынмен қамтылатын жылу қазандықтарын көмірмен қамтамасыз етуге конкурстар өткізіліп мердігерлер анықталған,енді көмір тасымалдана бастайды.Бұл мәселе бюджеттік мекемелердің күнделікті бақылауында.Газы жоқ елді мекендердің халқын көмірмен қамтамасыз ету бойынша әлі нақты жұмыстар жүргізілмегені отырыста ерекше атап өтіліп,бөлім басшысына көп ұсыныстар айтылып,нақты шешу керек екендігі атап өтілді.Жалпы былтырғы көмір өндірген мекеменің лецензиясы бітуіне байланысты биыл бұл мекеме көмір өндіруден шектетілген.Қазіргі уақытта инвестицияларды тарту жөніндегі Республикалық кеңестің хаттамасы бойынша уақытша Кендірлік көмір кен орны ККМК”Зайсан”мекемесіне берілген,үш жақты меморандум бойынша көмір өңдеу құқығы ”ОблШығысЖол” мекемесіне уақытша беріліп,биыл ауданды көмірмен осы мекеме қамтамасыз етуі тиіс. Алайда, әлі күнге дейін бұл мекеме көмір өңдеуге кіріспегені қоғамдық кеңес мүшелерін алаңдататынын кеңес мүшелері ерекше атап өтіп,дереу көмір өндіруді бастау жөнінде ұсыныстар айтып келесі қыркүйек айында кеңесте қайта қарау жөнінде шешім қабылдады. 
    Күн тәртібінің екінші мәселесінде аудан бойынша мал азығын дайындаудың барысы және мал азығын дайындаудағы техникалардың қызмет көрсету тарифтері жөнінде мәселе қаралып,ауданда мал азығы қарқынды түрде дайындалып жатқаны атап өтіліп,мал азығын дайындауға қатысатын техникалардың қызметтік тарифтері өте жоғары екендігін қоғамдық кеңес мүшелері ерекше көңіл бөліп,ауыл шаруашылығы бөлімінің бұл мәселе бойынша жұмыс атқармағаны ерекше айтылды.Аудандық кәсіпкерлік және ауылшаруашылық бөлімі техника қызметінің тарифін аудандық газетке берумен ғана шектелген,ал ол тарифтер мал азығын дайындауда нақты қалай іске асуын қадағаламаған,ауыл округтері әкімдеріде бұл мәселемен айналыспаған.Отырыста кеңес мүшелері бұл мәселеге салық комитетімен бірлесіп тұрақты түрде рейдтер өткізіп,техника тарифтерін ешбір себепсіз көтерген техникалардың иелерімен нақты жұмыс жүргізу ұсынылды. Сонымен қатар аудан көлемінде барлық шабындық жерді түгелдей шауып алуды,шабылмаған жер өрт қауіпсіздыгін тудыратындығы атап өтілді.
     Күн тәртібінің үшінші мәселесінде аудан халқының,мекемелердің ауыз су,кәріз суыны төлемдері туралы мәселе бойынша Зайсан ауданы әкімдігінің ККМК"Зайсан"мекемесінің басшысы Е.Айнабековтың хабарламасы тыңдалды.Ауыз суы,кәріз суларының төлемдері жөнінде мекеме қызметкерлері тұрақты айналысып отыратындығын айтылды. Алайда атқарған жұмыстардың өзінде де мекемеге бүгінгі күнге аудан халқы 2,5 млн.тенге ауыз суына,1,9 млн.кәріз суына берешек.Сондықтан мекеме басшысына берешектермен заң аясында нақты жұмыстар жүргізу,сот арқылы өндіру және басқа жолдары ұсынылды.
     Келесі мәселеде аудандық жер бөлімінің конкурсқа ұсынылатын жерлер қаралып,ұсынылған 8 жердің 6-на конкурсқа ұсыну мақұлданып,2жер учаскесі жергілікті жердегі қауымдастықтың шешімі болмағандықтан мақұлданбады. 
   Келесі мәселе жергілікті полиция бөлімінің аудандық қоғамдық тәртіппен қылмыстық бұзақылықтың алдын алу жөнінде жергілікті полиция бөлімінің басшысының Д.Құлжыновтың хабарламасы тыңдап, талқылай келе жергілікті полицияның біршама жұмыстар атқарғанын атап өтілді. Қоғамдық тәртіп сақтауда,қызмет атқару барысында жыл басынан 201 әкімшілік хаттама, 434-бабымен “Ұсақ бұзақылық“-74 әкімшілік хаттама, 505-бабымен “ Қалалар мен елді мекендердің аумақтарын абаттандыру қағидаларын бұзу т.с.с” -198әкімшілік хаттама, 408-бабымен -178 әкімшілік хаттама толтырылған. Жергілікті полиция бөлімінің мал ұрлығының алдын алу мақсатында атқарған шаралардың нәтижесінде ауданда мал ұрлығы азаюда, жол көлік оқиғасы, жол жүру ережесін бұзу фактілері де азаюда. Сонымен қатар аудандық кеңес мүшелері жол жүріс ережесін бұзу бойынша, ауылдық жерлерде тіркелмеген мапед және мотоциклдерінің әліде бар екенін. Зайсан қаласында кейбір автомобиль жүргізушілері жол жүру ережесін бұзатындығы, жылдамдықты арттыратын фактілердің бар екендігін және басқада бұзақылықтың тиылмай келе жатқаны ерекше аталды. Сонымен қатар интернет -алаяқтықтың барлық түрлері туралы ақпаратты жеткізу және азаматтардың тиісті деңгейде хабардар болуын қамтамасыз ету жұмыстары жеткіліксіз. Қоғамдық кеңес отырысында басқада кемшіліктер атап өтіліп, тиісті шешім қабылданды.
    Сонымен қатар қоғамдық кеңестің отырысында Зайсан аудандық аурухананың халыққа қызмет көрсету туралы мәселе қаралып,аурухана бас дәрігерінің міндетін атқарушы Ж.Тлеуберлиннің есебі тыңдалды.Отырыста кеңес мүшелері ауруханада соңғы жылдары оң өзгерістер бар екені атап өтті.Бағдарламаларға сәйкес бұрын болмаған елді мекендерде медициналық пунктер,акушерлік пунктер салынып, қолданысқа берілген,Қаратал ауылында дәрігерлік амбулатория салынуда.Аурухананың өзіндегі бөлімдерінде күрделі жұмыстар жүргізілуде,материалдық жағдайда түзеліп келеді,соңғы жылдары ауруханаға көптеген аураларды емдейтін құралдар алынуда.Кадр мәселесін шешуде де өң өзгерістер бар.Аудандық аурухананың негізгі бақыланатын көрсеткіштерінде де оң нәтижеге қол жеткізуде.Соңғы жылы нәресте,ана өлімі тіркелмеген.Сонымен қатар қоғамдық кеңес мүшелері халыққа медициналық көмек көрсетуде әліде кемшіліктер бар екенін атап өтіп,тиісті шешім қабылдады.

Фото

Previous Next