Қоғамдық мониторинг

Жамбыл облыстық Қоғамдық кеңесінің мүшелері Р.Рахманбердиев, Е.Балло, С.Сейітбеков, М.Сатыбалдин, А.Тулебаев, Ғ.Сағынтаев, Ж.Толтаев, Б.Дәуренбеков, Ә.Зәуірбеков, Е.Ошақбаев  жұмыс жоспарына сәйкес тамыз айында Жамбыл, Жуалы, Байзақ, Т.Рысқұлов, Шу, Меркі, Қордай, Мойынқұм, Сарысу, Талас аудандары және Тараз қаласы бойынша кәсіпкерлік саласына қоғамдық мониторинг жүргізді. Мониторинг барысында аудан әкімдігінің кәсіпкерлік және индустриалды-инновациялық дамыту бөлімдерінде көрсетілетін мемлекеттік қызметтер, жеке кәсіпкерлікті қолдау мен дамытудың мемлекеттік саясатының іске асырылуы, жеке кәсіпкерлік субъектілерінің бірлестіктермен кәсіпкерлер қауымдастықтармен, бизнес-орталықтарымен, өзге де мемлекеттік және мемлекеттік емес құрылымдармен өзара іс-қимыл жасауы, жергілікті деңгейде жеке кәсіпкерлікті мемлекеттік қолдауды қамтамасыз ету, шағын және орта кәсіпкерлік субъектілерінде туындайтын проблемалар зерделенді. Топ мүшелері арнайы экономикалық аймақтарға қатысушылардың инвестициялық жобаларын іске асыру мәселелері, инвестициялар тарту бойынша атқарушы органдармен өзара іс-қимыл ұйымдастыру жөнінде жергілікті атқарушы органдары өкілдерімен кездесу өткізді. Сонымен қатар кеңес мүшелері кәсіпкерлік саласында көрсетілетін мемлекеттік қызметтер, жеке кәсіпкерлікті қолдауда және дамытуда туындайтын проблемалар туралы аудан тұрғындарын қабылдады. Қоғамдық мониторинг нәтижелері бойынша жасалатын қорытынды негізінде Қоғамдық кеңес ұсынымдарды қабылдайды және тиіс мемлекеттік органдарға жібереді.  

Фото

Previous Next