Конституцияға 30 жыл

ҚАЗАҚСТАН РЕСПУБЛИКАСЫНЫҢ КОНСТИТУЦИЯСЫНА 30 ЖЫЛ

1995 жылы 30 тамызда бүкілхалықтық референдум арқылы қабылданған Ата Заңымыз - еліміздің егемендігін, бірлігін, тұтастығын және демократиялық даму жолын бекемдеген тарихи құжат.

30 жыл ішінде Конституцияға бірқатар өзгерістер мен толықтырулар енгізілді.

Тәуелсіз еліміздің тарихында екінші рет 2022 жылы 5 маусымда Конституцияға енген өзгерістер жалпыұлттық референдум арқылы қабылданып, нәтижесінде 33 бапқа 56 түзету енгізілді.

Ата Заңымыздың уақыт талабына сай жаңарып, заманауи өзгерістерге бейімделіп отыруы - еліміздегі демократиялық қағидаттардың жанданып, азаматтық қоғамның қалыптасып келе жатқанының көрінісі.

Конституцияда белгіленген демократия құндылықтары, азаматтардың құқықтары мен бостандықтарының кепілдіктері Қазақстан Республикасы дамуының нақты стратегиялық бағдарын айқындайды.

Мемлекеттік құрылыстың құқықтық негізін қалыптастырушы құжаттың аясында еліміз өзінің даму жолын айқындап, саяси тұрақтылық пен қоғамдық келісімді қамтамасыз етті.

Еліміздің Президенті Қасым-Жомарт Кемелұлы Тоқаев атап өткендей, Конституция құндылықтарына сүйене отырып, біз барлық азаматтарға тең мүмкіндіктер беретін мемлекет - Әділетті Қазақстан қүрамыз.

Бізді біріктіретін, ортақ мақсаттарға бастайтын темірқазық - АТА ЗАҢЫМЫЗ асқақ болсын!

Барша қазақстандықтар үшін ортақ мереке - Конституция күні құтты болсын!

Фото

Previous Next