30 тамыз күні Павлодар ауданына қарасты  Бірлік ауылында  білім ошағы – мемлекеттік нысана, яғни жалпы білім беретін орта мектептің ашылуы салтанатты түрде өтті.

Бұл білім ордасы мемлекеттік тілде жүргізіледі және 11  сынып- комплект толық қамтылған. Сынып бөлмелері ашық әрі жинақы, заманауи  құралдармен  жабдықталған.

Мемлекеттік мекеменің ашылуына  облыс әкімі  Асайын Қуандықұлы Байханов, облыстық Қоғамдық кеңесінің  мүшесі Бақыт Мақанқызы Бексеитова, Павлодар облыстық Білім  басқармасының басшысы Әйгерім Еркенқызы Әбенова қатысты.

Мектептің тұсаукесерін 1970 жылдары сол  ауылда  бастауыш  мектептің меңгерушісі болып істеген Қымбат Сейтахметқызы  Касьянова мен 6-сынып  оқушысы, оқу үздігі  Абылқияс Амирхан ашты. Салтанатты жиынға Қымбат Сейтахметқызымен бірге ұстаздық қызмет атқарған  Айтжамал Тәпенқызы Копбаева және Нәсіп Махамбетқызы Махамбетова арнайы шақырылып, қатысты. Келген қонақтарға және Заря ауылының қарт ұстаздарына аудан әкімінің орынбасары Самал Оспанқызы Айтқазина аудан әкімі  Дидар Елубекұлы Ибраевтің Алғыс хаттарын табыстады.

 Қоғамдық кеңес атынан мектеп ұжымы мен оқушыларға денсаулық және толағай табыстар тілейміз.