2025 жылғы 15 қыркүйекте Астана қаласында санитарлық-эпидемиологиялық қызмет саласының кәсіби мерекесі тұңғыш рет ұйымдастырылды. Денсаулық сақтау жүйесінің аса маңызды тармағы саналатын бұл қызметтің мерекесі сала ардагерлері мен бүгінгі майталман м

Санитарлық-эпидемиологиялық қызметтің кәсіби мерекесі алғаш рет аталып өтті

2025 жылғы 15 қыркүйекте Астана қаласында санитарлық-эпидемиологиялық қызмет саласының кәсіби мерекесі тұңғыш рет ұйымдастырылды. Денсаулық сақтау жүйесінің аса маңызды тармағы саналатын бұл қызметтің мерекесі сала ардагерлері мен бүгінгі майталман мамандарын бір арнаға тоғыстырды.
Салтанатты жиын елордадағы Филармония залында өтті. Шараға еліміздің барлық өңірінен 400-ге жуық маман мен қонақ жиналды. Алматы облысының Қоғамдық кеңесі атынан Куштекова Зинаш Көпжасарқызы қатысып, аймақ атынан құттықтау лебізін жеткізді.

Жиын барысында COVID-19 пандемиясы кезінде қаза тапқан дәрігерлер мен сала мамандарының рухына бір минут үнсіздік жарияланды. Бұл сәт жиналғандардың жүрегіне ерекше әсер етіп, санитарлық-эпидемиологиялық қызметтің қоғамдағы айрықша рөлін тағы бір мәрте айқындады.
Салтанатты кеш концерттік бағдарламаға ұласып, өнерпаздардың әсерлі әндері көрермендердің көңілінен шықты. Қатысушылар ұйымшылдықпен өткен мерекелік іс-шарадан зор әсер алып, жылы лебіздерін білдірді.

✍🏻Қоғамдық кеңес мүшелері санитарлық-эпидемиологиялық қызметтің барлық қызметкерлерін кәсіби мерекелерімен шын жүректен құттықтап, еліміздің денсаулығын қорғаудағы абыройлы еңбектеріне толағай табыс тіледі.

Фото

Previous Next