Астана қаласының әкімі Жеңіс Қасымбек Қоғамдық кеңес мүшелерімен кездесті

Астанада қала әкімі Жеңіс Қасымбектің төрағалығымен Қоғамдық кеңес мүшелерімен кездесу өтті.

Кездесудің басты тақырыбы – Қазақстан Республикасының Президенті Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оларды цифрлық трансформация арқылы шешу» атты Жолдауын талқылау болды.

Кездесу барысында елорда әкімі Қоғамдық кеңестің билік пен азаматтық қоғам арасындағы байланыстырушы буын ретінде тиімді жұмыс істеп келе жатқанын атап өтті. Кеңес қоғамдық бақылау мен азаматтық қатысудың пәрменді тетігіне айналып, қоғам мен билік арасындағы тиімді диалог орнатуға, сол арқылы тұрғындарды толғандыратын мәселелерді шешуге ықпал етіп отыр.

Кездесу барысында Мемлекет басшысы Қасым-Жомарт Тоқаевтың Жолдауында айқындалған міндеттерге ерекше назар аударылды. Елорда әкімі Президент белгілеген көптеген стратегиялық басымдықтардың еліміздің басты қаласымен тікелей байланысты екенін атап өтті. Астана цифрлық трансформацияның үлгісіне, инвестициялар, таланттар мен инновациялық технологиялар тарту орталығына айналуы тиіс. Президент Жолдауындағыцифрландыру, жасанды интеллектті енгізу, ғылымды, туризмді, көлік және әлеуметтік инфрақұрылымды дамыту мәселелерін жүзеге асыру бойыншаҚоғамдық кеңес мүшелеріне қаланың тиісті мемлекеттік мекемелерінің басшылары ақпарат ұсынды.

Қоғамдық кеңес мүшелері өз сөздерінде қаланы дамыту және астаналықтардың өмір сүру сапасын арттыруға қатысты бірқатар ұсыныстарын білдірді.

Кездесу қорытындысында елорда әкімі Қоғамдық кеңес мүшелеріне белсенді қатысқандары және айтқан бастамалары үшін алғыс білдіріп, конструктивті өзара іс-қимыл арқылы қала мен оның тұрғындары үшін нақты нәтижелерге қол жеткізуге болатынын атап өтті.

Қалалық Қоғамдық кеңестің төрағасы Зұлфұхар Ғайыпов кеңес мүшелері атынан қала әкіміне мазмұнды кездесу үшін алғыс айтып, алдағы уақытта да ел игілігіне бағытталған бастамаларды қолдауға дайын екенін жеткізді.

Фото

Previous Next