Қызылжар ОС отырысы 18.09.25

18 қыркүйекте Қызылжар ауданы Қоғамдық кеңесінің кезекті отырысы өтті. Кеңес мүшелері Қызылжар ауданында тұрғын үй көмегін көрсетудің мөлшері мен тәртібін анықтау, Қызылжар ауданы бойынша жер салығының мөлшерлемесін арттыру, 2025-2027 жылдарға арналған аудандық бюджетті нақтылау бойынша нормативтік-құқықтық актілерді қарап, келісім берді.

Учаскелік полиция өкілдерінің аудан тұрғындарымен аумақты абаттандыру ережелерін, үй жануарларын ұстау ережелерін бұзумен байланысты әкімшілік құқық бұзушылықтарды анықтау және жолын кесу, қоршаған ортаға зиян келтіретін рұқсатсыз қоқыс тастайтын жерлерді анықтау жөніндегі жұмыстарының нәтижелері туралы Қызылжар аудандық полиция бөлімінің жергілікті полиция қызметі бөлімшесінің бастығы Ш.М.Ақышов айтып берді.. Талқылау барысында туындаған сұрақтарға Бескөл ауылдық округінің әкімі Г.И.Кәрімова және жауап берді.

Бескөлдің абаттандырылуы туралы өзекті әңгімені қорытындылай келе, Қоғамдық кеңес аудандық білім бөлімімен келісе отырып, Бескөл ауылының аумақтарын білім беру мекемелеріне бекітіп беру және оларосы аумақты бақылап, жинастырып, абаттандыру керек екендігі жөнінде бастама көтерді. Қоғамдық кеңес мүшелеріне және учаскелік полиция бөліміне Бескөл ауылының мөлтек аудандарын абаттандыру ережелерін сақтауға тұрақты мониторинг жүргізу тапсырылды..

Ауданда дене шынықтыру мен спортты дамыту, спортшыларды даярлауды, жаттығу жиындарын өткізуді, ауылдық жерлердегі спорттың жай-күйі мен дамуына талдау жасауды, балаларды, қарттарды, мүмкіндігі шектеулі адамдарды спортқа тарту және басқа да проблемалық мәселелерді қамтитын спорттық іс-шараларды дайындау және өткізу мәселесі бойынша аудандық мәдениет,тілдерді дамыту, дене шынықтыру және спорт бөлімінің басшысы А.Б. Кемелов баяндама жасады.

Оның қосымша баяндамашылары: Завадский Д.Е. - аудандық мәдениет, тілдерді дамыту, дене тәрбиесі және спорт бөлімінің бас маманы;

Абдрахманов Н. А.- «Қызылжар ауданы балалар-жасөспірімдер спорт» КММ басшысы;

Қапаров Р. Б.– ауандық білім бөлімінің спорт бойынша әдіскері;

Нұрсейітов С.С. –ФА БЖК директоры ақпарат берді.

Қоғамдық кеңес мүшелерінде қаржылық және ұйымдастырушылық мәселелер, спорт ғимараттарының ағымдағы жағдайы, сондай-ақ спортшыларды даярлау бойынша көптеген сұрақтар туындады. Ауылдық округтерде жұмыс істейтін спорт алаңдарының болуы мен жұмыс істеуі туралы айта келе, кеңес мүшелері Қоғамдық кеңес мүшелері барған үш округтегі спорт алаңдары туралы таныстырылым материалдарын дайындады.

Талқыланған барлық мәселелер бойынша ұсынымдар әзірленіп, тиісті ұсыныстар берілді.

Фото

Previous Next