Қазкеңес жаңалықтары
Қандыағаш қаласына қоғамдық мониторинг
Ақтөбе облыстық қоғамдық кеңесі а.ж. сәуір айында Қандыағаш қаласында мониторинг, қоғамдық қабылдаулар өткізіп, халықтың шағымдарын кездесулерде қарастырды. Анықталған кемшіліктер бойынша ұсынымдар берілді. Жұмыс барысында а.ж. 15 қыркүйегінде Қандыағаш қаласында кеңес мүшелері жауапты тұлғалармен, тұрғындармен кездесіп, қорытынды шығарды. Ұсынымдар бойынша атқарылған жұмыстар:«Жаңақоныс» шағын ауданы бойынша 120 бағананың жарылып, олардың апаттық жағдайда екендігі анықталған болатын. Қала әкімдігі мемлекеттік сатып алу заңына сәйкес бағаналарды ауыстыруға конкурс жариялап, жеке кәсіпкер «Калиева» мердігер болып анықталды. Қазіргі таңда 120 бағананы ауыстыру жұмыстары жүргізілуде. «Жаңақоныс» шағын ауданында тұратын тұрғындардың автокөліктерінің кедергісіз қозғалысын қамтамасыз ету мақсатында 2024 жылы ұзындығы 3 шақырым құрайтын автокөлік жолына қиыршық тас төселді. Жүргізілген жұмыстардың қорытындысы бойынша қамтылмаған 200 метрлік жол учаскесі қалған болатын. Қазіргі уақытта бұл мәселе қала әкімдігі тарапынан бақылауда ұсталып отыр, қалған учаскеде осы жұмыстарды аяқтау бойынша қосымша іс-шаралар жүргізілмекші.
«Жаңақоныс» шағын ауданында тұратын мектеп жасындағы балалардың мектепке қатынауын үздіксіз қамтамасыз ету мақсатында қала әкімдігі мен аудандық білім бөлімінің ұйымдастыруымен Қандыағаш қалалық №4 ОМ-нің оқушыларды тасымалдау автобусы «Жаңақоныс» шағын ауданы арқылы кедергісіз жүру сызбасы бекітілді, осыған орай ендігі жерде балалардың мектепке қатынауы қиыншылық тудырмайды.
2023 жылы Қандыағаш қаласы әкімдігі тарапынан «Жаңақоныс» шағын ауданының орталық көшелерінің автокөлік жолдарына құрылыс жұмыстарын жүргізу мақсатында жобалық сметалық құжаттама әзірленген болатын. Жоба құны: 1003646,365 теңге құрайды. Бүгінгі күнге құрылыс жұмыстарын жүргізу үшін бюджеттік сұраныс берілді. Қажетті қаражат бөлінгеннен кейін тиісті жол құрылысы жұмыстары жүргізілетін болады.