Қоғамдық мониторинг қортытндысы

Қоғамдық кеңес мүшелері а.ж. көктем айларында аудандардағы әлеуметтік нысандарды, облыстық және республикалық деңгейдегі жолдардың сапасына қоғамдық мониторинг жүргізді. Мұғалжар ауданының иұрғындарының шағымы бойынша аудандағы жолдар, Ембі қаласының әлеуметтік -мәдени нысандарына қоғамдық бақылау, тұрғындармен кездесу өткізілді. Қандыағаш-Ембі жолының сапасы сын көтермейтіндігі, қаланың темір жолдың екі жағындағы аудандарын біріктіретін көпірдің болмауы, білім ордалары әсіресе ғасырлық тарихы бар №4 орта мектебінің күрделі жөндеуді қажеттілігі анықталды. Қаланың дамуына бұл өзекті мәселелер кедергі болып отырғандықтан, Қоғамдық кеңес тарапынан ескертулер мен тнақты ұсыныстар берілді. Жұмыс қорытындысын нақтылау бойынша а.ж. қыркүйек айында Қоғамдық кеңес мүшелері Ембе қаласына мониторинг, қоғамдық қабылдаулар мен халықпен кездесу өткізді. Қазіргі таңда мониторинг нәтижесінде ұсыныстар бойынша аталған жолда орташа жөндеу жұмыстары жүргізілуде.. Қаракөл–Ащысай аудандық маңызы бар автомобиль жолы екі учаскеге бөлінген (0–15 және 15–30 шақырым). Осы аралықта 24 шақырым асфальт жабындысы төселген. Асфальт жабындысының сапасы көзбен қарағанда жақсы төселгені байқалады. Қандыағаш-Ембі бағытты бойынша автомобиль жолының құрылыс-монтаж жұмыстары жүргізілуде. Алайда аталған бағытта ауыр жүк көліктерімен инертті материалдарды тасымалдау жұмыстарын жүргізіп, жаңа салынып жатқан жол төсемінің сапасына кері әсерін тигізіп, жол жабындысының бүлінуіне әкелуі мүмкін. Нысанның уақытылы әрі сапалы аяқталуына қауіп төндірмеу мақсатында материалдарды тасымалдауды автомобиль көліктері арқылы емес, теміржол көлігі арқылы жүзеге асыруды қарастыруды ұсынамыз. №4 орта мектебіне шұғыл түрде күрделі жөндеуге қаражат бөлу қарастырылды. Мектепке жөндеу жұмыстары басталды.

Фото

Previous Next