Депутатпен бірге азаматтарды қабылдау

Ақтөбе қалалық мәслихатының депутаты Ахаш Жаңалық әкімдік ғимаратында азаматтарды қабылдады. Азаматтарды қабылдауға Ақтөбе қаласының Қоғамдық кеңесінің мүшесі Әнуар Әбдібеков қатысты. №26 сайлау округіне қатысты мәселелерді бірлесіп шешетін болады.

Қабылдауда Мағаджан тұрғын үй алабына қатысты мәселе қаралды.
Қауымдастық көшесі бөлігінде 16 үй қазіргі күні жекенің меншігіндегі трансформатордан энергергия алады. Соның кесерінен өзге көршілеріне қарағанда электр қуаты үшін ақыны да қымбат өтейді. Осы мәселеге байланысты қаржы және экономика бөлімі, ТҮКШ бөлімінің жауапты мамандары шақырылды. Трансформаторға иелік етіп отырған компания басшыларымен сөйлесіп мәмілеге келу және әкімдік балансына алу жолдары талқыланды.

Мағаджан және Сая елдімекендеріне қыркүйектің осы он күндігінде ауыз су берілуі тиіс. Құрылыс бөлімі басшысы Бауыржан Жантөрин су құбыры толық тартылып, былтыр тек құжатына қатысты мәселесімен айналысқанын айтты. Енді жайлап су беріледі.

Мағаджан тұрғын үй алабы тұрғындары осыған дейін «Халық қатысатын бюджет» жобасына қатысу үшін жер телімін сұрап келеді. Елдімекенге балалар ойын алаңын салуды жоспарлайды. Бұл жақта жер тапшы. Бірақ жер қатынастары және сәулет бөлімі мамандарымен бірге ойын алаңы үшін арнайы учаскі іздетіріліп жатыр.

Фото

Previous Next