СҚО Қызылжар ауданы ОЖ отырысы 28.08.25

---

28 тамызда Конституция күні қарсаңында Қызылжар ауданының Қоғамдық кеңесінің отырысы өтті.

Күн тәртібінде кеңес қызметінің ұйымдастырушылық мәселелері қаралды. Екі мүшенің өз қалауы бойынша шығуына байланысты Қоғамдық кеңестің құрамына тестілеу нәтижелері бойынша ең жақсы көрсеткіштерге ие резервтен кандидатуралар енгізілді. Олар; Никишин Анатолий Петрович және Сатыбалдина Сара Бейбітқызы.

Т. Қ. Қолышпаев бұған дейін ҚК төрағасының өкілеттігін тоқтатқандықтан, жаңа төраға - Б.Е. Баукенов сайланды және кеңес комиссияларының құрамына тиісті өзгерістер енгізілді.

"Қызылжар ауданы бойынша қатты тұрмыстық қалдықтарды жинауға, тасымалдауға халық, заңды тұлғалар үшін коммуналдық қалдықтардың түзілу және жинақталу нормаларын, тарифтерді бекіту туралы" Нормативтік-құқықтық актінің жобасын талқылау жөнінде аудандық сәулет, құрылыс, тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы Ж. Ш. Хайыржанов сөз сөйледі. Бұл мәселе қоғамдық кеңес мүшелерінің арасында қызу пікірталас пен көптеген сұрақтар туғызды. Талқылау қорытындысы осы мәселе бойынша жұмысты одан әрі жетілдіру үшін талаптар мен ұсыныстар әзірленетін болды.

Қызылжар аудандық мәслихаты аппаратының басшысы С.З. Ескендіров қатысушыларды "Солтүстік Қазақстан облысы Қызылжар аудандық мәслихаты аппараты" коммуналдық мемлекеттік мекемесінің "Б" корпусы мемлекеттік әкімшілік қызметшілерінің қызметін бағалау әдістемесінің жобасымен таныстырды.

Отырыс соңында Қоғамдық кеңес мүшелері аудан ауылдарындағы әлеуметтік сала объектілерінің алдағы жылыту маусымына дайындығы, қазандықтарды дайындау, жабдықтардың жай-күйі, отын қорлары және т. б. мониторинг нәтижелерін талқылады.