Ветеринария саласына мониторинг

Жамбыл облыстық Қоғамдық кеңесінің мүшелері А.Карентаев, А.Тулебаев, Е.Ошақбаев, комитет мүшелері А.Аманбаев, Н.Артаев, Р. Ағыбаев, Н.Баймұратов жұмыс жоспарына сәйкес 10-20 қыркүйек аралығында облыс әкімдігінің ветеринария басқармасы, Ветеринариялық бақылау және қадағалау комитетінің Тараз қалалық және аудандық аумақтық инспекцияларының қызметтеріне қоғамдық мониторинг жүргізді.

Топ мүшелері бюджеттік бағдарламалар бойынша сатып алынған ветеринариялық препараттарды, олардың республикалық қорын қоса алғанда, бөлуді және оларды сақтауға, тасымалдау (жеткізу) мен пайдалануды, мемлекеттік ветеринариялық-санитариялық бақылауды және қадағалауды жүзеге асыру, ауыл шаруашылығы жануарларын сәйкестендірудің ұйымдастырылуына және өткізілуіне, ауыл шаруашылығы жануарларын сәйкестендіру жөніндегі дерекқордың жүргізілуіне және ондағы ақпараттың жаңартылып отыруына мемлекеттік ветеринариялық-санитариялық бақылауды және қадағалауды жүзеге асыру мақсатында мекемелердің атқарған жұмыстарын зерделеді.

Жергілікті тұрғындармен жеке қабылдау өткізіліп, ветеринар мамандардың ұсыныс - пікірлері тыңдалды. Мониторинг барысында жергілік ветеринариялық бөлімдер мен инспекцияларда туындап отырған проблемалық мәселелер анықталды. Атап айтқанда, ветеринариялық әкімшілік ғимараттары мен нысандардың инфрақұрылымына қатысты жылу және су жүйесін жүргізу, мекемелерді техникалық құрал - жабдықтармен, уақытылы жаздық және қыстық арнайы киімдермен қамтамасыз ету туралы сұрақтар көтерілді.  

Сала мамандарымен кездесу барысында адамдар мен жануарларға ортақ аурулардың алдын алу, диагностикалық профилактикалық іс- шарларды уақытылы жүргізу және ветеринария саласынатін емес кейбір қызмет түрлерін (қаңғыбасм иттерді аулау, оларды күтіп ұстау және ауыл шаруашылығы жануарларын қолдан ұрықтандыру) бәсекелестік ортаға беру жөнінде өзекті мәселелер талқыланды.  

Мониторинг қорытындысы бойынша ұсынымдар Қоғамдық кеңес отырысында қаралып, тиісті мемлекеттік органдарға жолданады.

Фото

Previous Next