Зайсан аудандық Қоғамдық кеңесінің кезектен тыс отырысы болып өтті.

          30 қыркүйек 2025 жылы аудандық Қоғамдық кеңесінің қарауына   келіп түскен құжаттарының  қарау мерзімін сақтау мақсатында кеңестің кезектен тыс отырысы өткізілді.Кеңес отырысына 15 Қоғамдық кеңес мүшелерінің 12 мүшесі қатысты.      Кеңес отырысында қаралатын негізгі мәселе Зайсан ауданы бойынша конкурсқа ұсынылатын жер учаскелерінің тізімін қарау бойынша  Зайсан аудандық жер бөлімінің бас маманы ................... алдағы конкурсқа ұсынғалы отырған жер учаскелерімен таныстырып өтті.  Кеңес мүшелері мәселені қарап Кеңсай ауылдық округіндегі  екі жайлау учаскесі бойынша өздерінің жер көлеміне келіспейтіндіктерін білдірді. Жайлау  2-3 ай ғана пайдаланатын өсімдік құрамы өте бай, құнарлы,  салқын малға жайлы   жайылымдық болып табылады. Ауданымыздың ауылшаруашылық құрылымдарының  малдары жайлауда  жақсы қосымша салмақ яғни ет алып келеді. Жайлау біздің шаруаларымыздың басқа ет өндірушілермен қарағанда бәсекелестіктегі негізгі бір артықшылықтарының бірі. Алайда жайлаудан бір кезде көп жер алып алған азаматтар жайлауды толық пайдаланбай  отырса, енді бір азаматтар жайлауға қолдары жетпей отыр. Осыны ескере келе  қоғамдық кеңес мүшелері 500 гектардан ұсынылып отырған екі жайлау учаскесін   250 гектардан етіп, төрт участке ретінде  конкурсқа салуды ұсынды.

   Отырыста қоғамдық кеңестің алдыңғы қабылдаған шешімдерінің орындалуы сараланды. Қоғмдық кеңестің білім беру нысандарының қысқа дайындығы бойынша қабылдаған шешімі бойынша облыстық білім бөлімінің басшысы ауданға арнайы келіп, шешімде ұсынылған мәселелерді  зерделеп, олардыалдағы уақытта шешу  жөнінде іс шаралар қабылдайтын болды. Соның бірі Дайыр мектебінің жылу қазандығының мәселесі түбегейлі шешілетін болды. Отырыста сондай ақ балалардың ыстық тамағы жайлы да айтылып, осы мәселе бойынша алдағы уақытта қоғамдық кеңес нақтылы жағдайларға қоғамдық мониторинг жүргізіп, мәселені отырыста немесе көпшілік қоғамдық тыңдауда қарап тиісті шаралар қабылдайтын болды.

     Сондай ақ қоғамдық кеңес мүшесі  Қ.Сайранов  «Бәйтерек» сауықтыру орталығының балалардың жазғы демалысын ұйымдастыруға тартылмау себептерін және оған кінәлі тұлғаларды  анықтауды, алдағы уақытта осындай кемшіліктерді болдырмау жөнінде өз ұсыныстарын жасады. 

Аудандық қоғамдық кеңесінің төрағасы М.Уәли алдағы уақытта да қоғамдық кеңес қабылдаған шешімдерінің орындалуы назарда болатынын айтып отырысты қортындылады.

Зайсан аудандық қоғамдық кеңесінің баспасөз хатшылығы.  

Фото

Previous Next