Павлодар ауданындағы сумен жабдықтау объектілерінің мониторингі

Павлодар ауданындағы сумен жабдықтау объектілерінің мониторингі

Павлодар ауданының Қоғамдық кеңесінің мүшелері қыркүйектің 23-25 аралығында  Павлодар ауданының елді мекендеріндегі сумен жабдықтау объектілерінің жай-күйіне мониторинг жүргізді.

Ефремовка, Заря, Луганск, Мичурино ауылдық округтерді сумен қамтамасыз ету, соның ішінде судың сапасы  бойынша сұрақтар жоқ.

Новоямышево ауылында су құбыры 2028 жылы пайдалануға берілген, оған 457 аула мен әлеуметтік нысандар қосылған. Судың сапасы нашарлау. Жабдықтар орналасқан бөлмеде сүзгілерді ауыстыру және еденді құю қажет.

Рождественка ауылдық округінің Розовка ауылында әлеуметтік нысандарды есептемегенде, орталық сумен жабдықтау жүйесіне 62 аула қосылған. Ауылдық округ әкімдігі жаңа су құбырын салуға жобалық-сметалық құжаттаманы әзірледі, нысанды қаржыландыру республикалық бюджеттен жоспарлануда, алайда бүгінгі күні мәселе ашық күйінде қалып отыр. Қолданыстағы су құбыры "Киров" ЖШС балансында тұр. Сүзу жүйелерін ағымдағы жөндеу және орнату жүргізілмейді.

         Черноярск ауылдық округінде жеке тұрғын үй құрылысы шағын ауданын  сумен жабдықтау қажет. Новочерноярка ауылындағы сорғы станциясын жаңарту, тазарту сүзгілерін ауыстыру қажет.

         Чернорецк ауылында сүзу станциясы жоқ, тұтынушыларға шаруашылық қажеттіліктері үшін техникалық су беріледі, ауыз су ашық көзден - Ертіс өзенінен алынады.

Шақат ауылдық округінде су құбыры жұмыс істейді, 145 үй мен 4 ұйым қосылған. Тұрғындар су үшін есептегіштердің көрсеткіштері бойынша төлейді, олар әр үйде орнатылған. Осы округтің Маралды ауылында ақаулы жағдайда су құбыры бар. Заречное, Толубай, Көктөбе ауылдарында халық ұңғымалардан суды пайдаланады.

Мониторингтің қорытындысы Павлодар ауданының Қоғамдық кеңесінің отырысында қаралатын болады.

Фото

Previous Next