Жұмыспен қамту бөлімінде мемлекеттік қызметтер көрсету

2025 жылғы 17 қыркүйекте Қоғамдық кеңестің жұмыс тобы (құрамында Г. Егизбаев пен Т. Сайфуллина) аудан әкімі аппаратының мемлекеттік қызметтердің көрсетілуін талдау жөніндегі бас инспекторы А. Лукашова-Шершнева және БАҚ өкілдерімен бірге «Жұмыспен қамту және әлеуметтік бағдарламалар бөлімі» ММ-не барып, «Мемлекеттік қызметтердің сапасын арттыру бойынша атқарылып жатқан жұмыстар» мәселесі қаралды.
Қоғамдық кеңес мүшелері халыққа мемлекеттік қызметтердің көрсетілу ережелерімен және тәртібімен, ақпараттық стендтердің мазмұнымен, көрнекі журналдармен, өзіне-өзі қызмет көрсету бұрышымен, пандустың, қоңырау түймесінің, қозғалыс жолдарын бейнелейтін рельефті тактильді белгілердің, әлсіз көретіндерге арналған мнемосызбалар мен көрсеткіштердің болуымен танысты.
Қоғамдық өкілдер ғимараттың жағдайына қатысты бірқатар кемшіліктерді анықтады. Нысанның апаттық жағдайда екендігі және жөндеу жұмыстарын қажет ететіні белгілі болды.
Жұмыс жоспарына сәйкес бұл мәселе аудандық Қоғамдық кеңестің отырысында қаралатын болады.

Фото

Previous Next