19 қыркүйек күні Ұлытау облыстық Қоғамдық кеңесінің төрағасы Бауыржан Бегеновтың жетекшілігімен кезектен тыс отырыс өтті

Отырысқа облыс әкімінің орынбасары Жәнібек Нөпіров қатысты. Күн тәртібінде екі мәселе қаралды:

1. «Ұлытау облыстық мәслихатының 2024 жылғы 18 желтоқсандағы №211 «2025-2027 жылдарға арналған облыстық бюджет туралы» шешіміне өзгерістер енгізу туралы» жобасын талқылау.

2. Қоғамдық кеңес мүшелеріне куәліктерді табыстау.

Бірінші мәселе бойынша бюджеттік бағдарламалар әкімшілер тыңдалды.

Ұлытау облыстық экономика басқармасының басшысы Нұрлан Абдукалимов облыстық бюджетті нақтылау барысы жөнінде баяндама жасады.

Оның айтуынша, бюджет нақтылануы меншікті кірістер жоспарын арттыру және ішкі ауысымдар есебінен жүзеге асырылуда.

Жалпы 9 млрд 057 млн 381 мың теңге көлемінде қаражат қарастырылған. Сонымен бірге, заңнама талаптарына сәйкес, жалпы сомасы 13 млрд 743 млн 288 мың теңгені құрайтын өтінімдер кері қайтарылды.

Қоғамдық кеңес мүшелері Қарсақбай кентіндегі спорт кешенін жылыту, Сәтбаев қаласындағы №15 мектептің шатырын күрделі жөндеу, экология және ауыз су мәселелерін көтерді.

Жиын соңында Қоғамдық кеңес мүшелеріне куәліктер табысталды. Күн тәртібіндегі шешім жобасы кеңес мүшелерінің бір ауыздан қолдауымен мақұлданды.

Фото

Previous Next