ОБЛЫСТЫҚ ҚОҒАМДЫҚ КЕҢЕС МҮШЕЛЕРІ ТҮНГІ РЕЙДКЕ ШЫҚТЫ

---

Түркістан облысы Қоғамдық кеңесінің ұйымдастыруымен «Балалар жылы» аясында 2022 жылғы 1-3 тамыз аралығында облысы аумағында кәмелетке толмағандардың ойын-сауық мекемелерінде, ойын клубтары мен түнгі клубтарда, саябақтарда кешкі және түнгі уақытта жүруін анықтауға бағытталған іс-шаралар өткізілді. Аталған іс-шараларға облыстық қоғамдық кеңес мүшелерінен бастап облыстық адами әлеуетті дамыту басқармасының, полиция департаментінің,жастар ресурстық орталығының қызметкерлері, ата-аналар комитетінің мүшелері қатысты.

Рейдтік іс-шаралардың мақсаты шаруа қожалықтары мен тұрғын үй жертөлелерінде, автобус вокзалдарында, жанар жағар май бекеттерінде, халық көп шоғырланатын орындардақадағалаусыз, панасыз жүрген балалардыанықтауға, олардың жеке басын анықтауға, тәртіптік теріс қылықтардың алдын-алуға бағытталды. Іс-шара барысында жеке басын растайтын құжаттарын көрсете алмаған балалар анықталып, олар қалалық және аудандық полиция басқармалары мен бөлімдеріне жеткізіліп, ата-анасы немесе заңды өкілдерін шақырту арқылы қосымша оларға профилактикалық түсіндірме жұмыстары жүргізілді. 

Түнгі сағат 23:00-ден кейін заңды өкілінсіз көшеде және ойын-сауық мекемелерінде жүрген кәмелетке толмағандар мен түнгі уақытта темекі бұйымдары мен алкоголь өнімдерін өткізген сауда орындарының иелері мен сатушыларға қатысты әкімшілік хаттамалар толтырылды.  

Ойын клубтары, кафе, саябақтарға жүргізілген профилактикалық іс-шара кезінде 2 жасөспірім, 2 жайсыз отбасы тіркеліп, 13 әкімшілік хаттама толтырылды. 

Жұмыс барысында заңдылық пен кәмелетке толмағандардың конституциялық құқығын сақтау қамтамасыз етілді.

 

#QQWeek

#HalyqApta