Қазкеңес жаңалықтары

Қоғамдық кеңес мүшелері «Тазалық» ЖШС-нің қысқа дайындығын зерттеді

6 қыркүйекте «Тазалық» ЖШС басшылығы және Алматы қаласының Коммуналдық инфрақұрылым және тұрғын үй инспекциясы басқармасы №3 комиссия мүшелерімен кездесті. Кездесу серіктестіктің қысқы кезеңге дайындығы аясында техникалық жабдықталуын талқылау үшін ұйымдастырылды. Коммуналдық инфрақұрылым және тұрғын үй инспекциясы басқармасы басшысының орынбасары Жанат Жақыпбек техникалық жабдықталу, атап айтқанда, жаңа және заманауи автокөлік модельдері туралы толық ақпаратты көрнекі түрде ұсынды.

Техникалық сипаттамалармен Қоғамдық кеңестің Instagram парақшасындағы бейнематериалдан танысуға болады.

Алаңдатарлық мәселелерге келетін болсақ, коммуналдық инфрақұрылым, энергетика, сумен қамтамасыз ету және қалалық мобильділік жөніндегі №3 комиссияның төрағасы, «Ауыл» партиясының мүшесі Асқат Қабашев ұйымда жол жұмысшылары үшін тегін тамақтандыру қарастырылмағанына назар аударды. Ол сондай-ақ 180 мың теңгеден басталатын жалақы қажетті жұмыс күшін тартуға жеткіліксіз деп санайды.

Осыған байланысты комиссия Алматы қаласының Коммуналдық инфрақұрылым және тұрғын үй инспекциясы басқармасына 2026 жылға арналған бюджеттік өтінімге келесі үш шығыс баптарын енгізу қажеттілігін көрсететін ұсыныстар жолдайды:

  1. Жол жұмысшыларының жалақысын арттыру.
  2. Жол жұмысшыларына күнделікті тамақтандыру.
  3. Гараждық-техникалық қызмет механиктері үшін станоктарды жаңарту.

Фото