«Қоғамдық кеңестер: Жаңару арқылы даму»

Елордамыз Астанада а.ж. 15-17 қазан күндері ҚР Мәдениет және ақпарат министрлігінің ұйымдастыруымен «ӘДІЛЕТТІ ҚАЗАҚСТАН: Қоғам мен мемлекет ынтымақтастығы» тақырыбында Қазақстанның XII Азаматтық форумы аясында IV Республикалық Қоғамдық кеңестер мәжілісі өтті. Іс-шараға Ақтөбе облысы және қаласынан кеңес төрағалары, мүшелерінен құралған делегация қатысты. «Қоғамдық кеңестер: Жаңару арқылы даму» тақырыбында республикалық Қоғамдық кеңестер мәжілісінде Ақтөбе облыстық Қоғамдық кеңесінің төрағасы Т.Талаева облыстық кеңестің 2023-2025ж.ж. үздік кейстерімен таныстырды. Кейстер интернет-алаяқтық, су тасқыны жағдайындағы, мектепке дейінгі мекемелер және мектептердегі балаларды тамақтандыру мәселелерін шешу жолдарын ұсынды.  

Қатысушылар үшін қоғамның өзекті мәселелері талқыланып, оларды шешу жолдары қарастырылды, үздік тәжірибе алмасатын жиырмадан астам пікірталас алаңдары мен панельдік сессиялар ұйымдастырылды.

XII Қазақстан Азаматтық форумы – мемлекет пен азаматтық қоғам арасындағы диалогтың ең ірі алаңы. IV Қоғамдық кеңестер мәжілісінің қатысушылары қоғамдық бақылау институтын дамытуды талқылауда. Бұл бағыт бүгінде белсенді дамуда: елде 260-тан астам кеңес жұмыс істейді, олардың құрамында төрт мыңға жуық адам бар. Олар заң жобаларын қарауға қатысып, халықты толғандыратын мәселелерді көтеріп, нақты шешімдер ұсынады. Соңғы уақыттың өзінде олар азаматтардың құқықтары мен мүдделеріне қатысты 1500-ден астам нормативтік құқықтық акті жобасын зерделеген. Көптеген құжат бойынша мемлекеттік қызметтердің сапасын арттыруға, халықтың әлсіз топтарын қорғауға және бюджеттік шығындардың ашықтығын қамтамасыз етуге бағытталған ұсыныстар әзірленген.

Форум аясында Қоғамдық кеңестердің төрағалары мен хатшыларына "Қазақстандағы Қоғамдық кеңестер институтын жетілдіру" тақырыбында семинар өткізілді. 

Фото

Previous Next