Ақмола облысының Қоғамдық кеңесі «Таза бейсенбі» экологиялық сенбілігін ұйымдастырды

2025 жылғы 17 қазанда Ақмола облысы Қоғамдық кеңесінің аграрлық мәселелер, экология, инновациялық даму және тұрғын үй-коммуналдық шаруашылық жөніндегі комиссиясының мүшелері Рахметулина Б.С. мен Шуль В.Л., сондай-ақ Жоғары құқық және бизнес мектебінің студенттері мен «Құқық» кафедрасының Жастар парламенті бірлесе отырып, жабық мұсылман зираты аумағында «Таза бейсенбі» экологиялық сенбілігін ұйымдастырды.

Іс-шараның басты мақсаты – қоршаған ортаның тазалығын сақтау, ата-бабалар рухына тағзым ету, аға буынға құрмет көрсету және жастар арасында экологиялық сана мен азаматтық жауапкершілікті арттыруға бағытталған үлгі көрсету болды.

Акция барысында қатысушылар аумақты қоқыстан тазалады. Бұл игі іс туған жерге деген сүйіспеншіліктің, алдыңғы буынға деген құрметтің және қоғамдағы тазалық пен үйлесімділікті сақтауға деген ұмтылыстың көрінісі болды.

Осындай іс-шаралар азаматтардың бірлігі мен ынтымағын нығайтуға, аға буынға деген алғыс сезімін қалыптастыруға және тарихи мұраға ұқыпты қарауға ықпал етеді.

Фото

Previous Next