ҚАЗАҚСТАННЫҢ XII АЗАМАТТЫҚ ФОРУМЫ: ҚОҒАМДЫҚ КЕҢЕСТЕР ИНСТИТУТЫН ЖЕТІЛДІРУ - БАСТЫ МАҚСАТЫМЫ

Астана қаласында а.ж. 15-17 қазан күндері “Әділетті Қазақстан: азаматтық қоғам мен мемлекет ынтымақтастығы” атты Қазақстанның XII Азаматтық форумы өткізілді.

 Форум аясында орталық мемлекеттік органдар, 20 облыстық және республикалық деңгейдегі қалалар, квазимемлекеттік секторлар субъектілері Қоғамдық кеңестерінің төрағалары және хатшыларына арналған “Қазақстанда қоғамдық кеңестер институтын жетілдіру” тақырыбында оқыту семинары ұйымдастырылды.

 Семинарды Мәдениет және ақпарат министрлігінің Азаматтық қоғам істері комитетінің Қоғамдық кеңестер қызметінің мәселелері басқармасының басшысы Кабиева Гүлмира Ақылбековна жүргізді.

 Интерактивті жұмыс түрінде өткен семинарда Форум аясында республикалық мәжілісте Қоғамдық кеңестердің жұмысын ұйымдастыруда төрағалар мен хатшыларға жүктелген міндеттерді орындау, қоғамдық бақылау формаларын жүзеге асыру бойынша өзекті кейстер әзірлеу және министрдің тапсырмасына сәйкес кеңестердің рейтингі, тиімділік көрсеткіштері туралы цифрлық карта әзірленетіні туралы айтылды.

 ҚР “Қоғамдық кеңестер туралы” Заңына және заңнамалық актілерге кеңес құрамын портал арқылы қалыптастыру, мүдделер қақтығысына жол бермеу үшін сапалық құрамды тек азаматтық қоғам өкілдерінен құру, кеңес мүшелерінің этикалық нормаларын бекіту туралы өзгерістер енгізу көзделгенін семинарға қатысушыларға жеткізген Гүлмира Ақылбековна Қоғамдық кеңестердің азаматтардың өмірінде алатын орны, үйлестіру орталығының жұмысы, процессті цифрландыру жұмыстарын жүргізу, азаматтардың өтініштерін қарау, хаттамалық шешімдерді әзірлеу, Kazkenes.kz сайты контентінің мазмұнына ерекше көңіл бөлудің маңыздылығын атап өтті.

 Семинарда Қазақстан Азаматтық альянсы президенті Нұрғазиева Бану Ганиевна елімізде азаматтық қоғамды қалыптастыру мақсатында жүргізілетін мемлекеттік саясатты жүзеге асыруда Қоғамдық кеңестердің атқаратын ролі, кеңес мүшелерінің азаматтық ұстанымы, кеңес жұмысын ұйымдастыру тәжірибесі және Форумда талқыланған Азаматтық қоғам институттарын жетілдіру туралы келелі мәселелерге кеңірек тоқталып өтті.

 ҚР Президенті жанындағы мемлекеттік басқару академиясының Қарағанды облысы бойынша филиалының басшысы, Қоғамдық кеңестің төрағасы Серікжан Байболсынов Қоғамдық кеңестер жұмысын ұйымдастыруда сапа менеджменті жүйесіндегі тұтынушыға бағыт (ориентация на потребителя), тұтынушының әлеуметтік портретін білу, әрекеттердің белгілі алгоритмін орындау арқылы коммуникация жасау, қанағаттану деңгейін анықтау тәсілдері жөнінде жинақталған іс-тәжірибесін қарапайым тілмен қысқаша баяндады.

Интерактивті жұмыс барысында қатысушылардың алдағы уақытта Қоғамдық кеңестер қызметінің тиімділігін арттыру жөніндегі сұрақтары бойынша спикерлер тарапынан қажетті ақпараттар, пайдалы кеңестер жан-жақты берілді

Фото

Previous Next