Қазкеңес жаңалықтары

Келес аудандық Қоғамдық кеңесінің кезекті көшпелі отырысы өтті

 

Бүгін Келес аудандық Қоғамдық кеңесінің кезекті көшпелі отырысы өткізілді.
Жиында ауданның әлеуметтік-экономикалық дамуы, ветеринариялық қауіпсіздік және ауылдық округтердің өзекті мәселелері қаралды.

Күн тәртібінде:

1️⃣ Түркістан облысы Ветеринариялық басқармасы «Ветеринариялық қызмет» ШЖҚ МКК-ның Келес аудандық филиалы басшысы Д. Амировтың есебі тыңдалды.
Кеңес мүшелері ауыл шаруашылығы жануарларына вакцина жүргізу, мал өлекселерін тастайтын “Беккери” шұңқырларының жай-күйі, сондай-ақ ветеринариялық пункттердің материалдық базасын нығайту мәселелеріне назар аударды.

2️⃣ Келес ауданының экономика және қаржы бөлімі басшысының орынбасары Қ. Уразовтың 2024 жыл мен 2025 жылдың 9 айының қорытындысы бойынша есебі қаралды.
Кеңес мүшелері аудан бюджетінің орындалуы мен салық түсімдері бойынша сұрақтар қойып, «Дипломмен ауылға» бағдарламасының орындалу барысына қатысты да мәселе көтерді.
Бөлім өкілдері қазіргі таңда құжаттандыру және өтінім қабылдау жүйесі толықтай электронды форматта жүргізіліп жатқанын атап өтті.

3️⃣ ҚР Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің «Келес аудандық аумақтық инспекциясы» ММ бас маманы Ә. Сейдазимовтың есебі тыңдалды.
Өсімдік шаруашылығында фитосанитарлық бақылау мен өнім сапасын арттыру бағыттары талқыланды.

4️⃣ Біртілек ауылдық округі әкімі Б. Нұрымбетовтың 2024 жыл және 2025 жылдың 9 айындағы есебі қаралды.
Кеңес мүшелері мектеп оқушыларын тасымалдау мәселесін және округке қарасты Шырылдақ ауылындағы “Беккери” шұңқырының санитарлық жағдайын көтеріп, тиісті шара қабылдауды ұсынды.

5️⃣ Түркістан облыстық ветеринариялық бақылау және қадағалау комитетінің «Келес аудандық аумақтық инспекциясы» ММ басшысы Т. Дүйсенбаевтың есебі тыңдалды.
Жануарлар арасындағы аурулардың алдын алу және жағдайдың тұрақтылығын сақтау бағытындағы жұмыстар талқыланды.

Отырыста кеңес мүшелері бірқатар ұсыныстар мен ескертпелер беріп, мемлекеттік органдардың жұмыс сапасын арттыруға бағытталған нақты ұсынымдар қабылдады.

Фото