Кезектен тыс отырыс өткізілді

    29 қазан 2007 жылы Зайсан аудандық Қоғамдық кеңесінің  кезектен тыс отырысы өткізілді. Отырыста «Зайсан аудандық мәслихатының 2024 жылғы 25 желтоқсандағы «2025-2027 жылдарға арналған Зайсан ауданының бюджеті туралы  № 30/2-ҮІІІ шешіміне өзгерістер енгізу туралы» Зайсан аудандық мәслихатының шешім   жобасы қаралды. Күн тәртібіндегі мәселе бойынша аудандық экономика және қаржы бөлімінің басшысы  Ғ.К.Кожекенова хабарлама жасады. Хабарламаны тыңдап талқылай келе қоғамдық кеңес мүшелері бюджетке жасалған өзгерістерді бірауыздан мақұлдады. Әсіресе Біржан-Ақарал жолын орташа жөндеу жұмыстарына бөлініп отырған алғашқы 100 млн тенге қаражатты орынды деп атап, келешек осындай аудан экономикасы үшін өте маңызды  ішкі шаруашылық жолдарын жөндеу жұмыстарын  жалғастыру қажеттігін атап өтті. Сондай ақ Жаңатұрмыс ауылының  жолының орташа жөндеу жұмыстарының созылып кету себептерін тыңдап, жолдың келесі жылы толық және сапалы аяқтауын ұсынды. 

   Күн тәртібіндегі екінші мәселе «Зайсан аудандық  мәслихатының кейбір шешімдерінің күші жойылды деп тану туралы» Зайсан аудандық мәслихатының шешім жобасын қоғамдық кеңес мүшелері бірауыздан мақұлдады. 

 Отырыста сондай ақ Қоғамдық кеңес мүшелері аудандағы қоғамдық ахуалға әсер етіп жатқан кейбір мәселелер туралы, әсіресе тұрғындарды көмірмен, табиғи газбен қамтамасыз ету жағдайына алаңдаушылық білдірді. Осы мәселелерді зерделеп жақын арада Қоғамдық  кеңес отырысында көмір, табиғи газ өндіріп отырған  мекемелердің жауапты адамдарын тыңдауды ұйымдастыру қоғамдық кеңес төралқасына ұсынылды. 

Зайсан аудандық Қоғамдық кеңесінің ақпарат орталығы.

Фото

Previous Next