Қоғамдық қор «Ashyk Kogam» қоғамдық бақылау аясында БҚО-да мониторинг жүргізді

2025 жылғы 23 қазанда «Ashyk Kogam» қоғамдық қоры БҚО бойынша Мемлекеттік кірістер департаментінің жұмысын қоғамдық мониторингтен өткізді. Шараның мақсаты – қоғамдық бақылау тетіктерінің іс жүзінде қалай жұмыс істейтінін көрсету және азаматтардың мемлекеттік басқару процестеріне қатысуға деген қызығушылығын арттыру.

Мониторингке БҚО қоғамдық кеңесінің мүшелері, «Ashyk Kogam» Әлеуметтік даму және инновациялар қорының кеңсесі, БАҚ өкілдері мен блогерлер қатысты. Іс-шара барысында консультация алу мүмкіндігі, азаматтарға қызмет көрсету сапасы және салық органдарына келушілерді қабылдау жағдайлары бағаланды.

Мониторинг нәтижелері бойынша департамент жұмысы мен сервистің сапасын жақсартуға бағытталған ұсыныстар дайындалды.

Алдағы уақытта «Ashyk Kogam» Әлеуметтік даму және инновациялар қорының кеңсесі қоғамдық бақылау бойынша тұрақты шараларды жалғастыруды жоспарлап отыр. Оның ішінде ай сайынғы талқылаулар, сараптамалар және бақылау нысандарына қашықтан және тікелей барып мониторинг жүргізу көзделген.

Фото

Previous Next