Адам мен азаматтың құқықтары мен бостандықтарының заңдылығы мен сақталуын қамтамасыз ету туралы

Б. Демеуовтың төрағалығымен өткен облыстық қоғамдық кеңестің отырысында Полиция департаменті бастығының орынбасары С. Жампейісовтың адам мен азаматтың құқықтары мен бостандықтарының заңдылығы мен сақталуын қамтамасыз ету жөніндегі есебі тыңдалды. Қоғамдық кеңестің жұмысына облыс әкімі аппараты басшысының міндетін атқарушы Б. Қапенов, «Қазақстан Республикасы Ішкі істер министрлігі Қылмыстық-атқару жүйесі комитетінің Павлодар облысы бойынша қылмыстық-атқару жүйесі департаменті» РММ бастығының орынбасары А. Серғазин, қылмыстық процестің заңдылығын қадағалау басқармасының аға прокуроры Н. Сұлтанов, қоғамдық мүдделерді қорғау жөніндегі аға прокурор М. Щербаков, облыстың жолаушылар көлігі және автомобиль жолдары басқармасының басшысы Қ. Қашкиров, облыстың білім беру басқармасы басшысының орынбасары А. Айтуарова, облыстың жұмыспен қамтуды үйлестіру және әлеуметтік бағдарламалар басқармасы басшысының орынбасары А. Рахимова қатысты. Қоғамдық кеңес мүшелері Ахметова С., Бексейітова Б., Демеуов Б., Жанғазы Е., Қозбаева А., Мұзапаров Т., Корепанов Д., Миронов Е., Мұхамедиярова А., Нұралинов М., Сәрсенбай А. мәселені талқылауға белсенді қатысып, азаматтардың құқықтарын қорғау, қарудың, жарылғыш заттардың заңсыз айналымына қарсы іс-қимыл, құқық бұзушылықтың алдын алу, заңнама талаптарын түсіндіру және бизнестің қауіпсіздігін қамтамасыз ету, жолдардағы қауіпсіздікті қамтамасыз ету бойынша сұрақтар қойды. Жол-көлік оқиғасын және кәмелетке толмағандар арасындағы қылмысты азайту бойынша өз ұсыныстарын енгізді. Қоғамдық кеңес мүшелері Полиция департаменті бастығының орынбасары С.Жампейісовке мазмұнды баяндамасы үшін алғыс айтып, баяндамалар мен сөз сөйлеу барысында келіп түскен ұсыныстардан төралқаға тиісті мемлекеттік органдарға жіберілетін ұсынымдар әзірлеу туралы шешім қабылдады. Сонымен қатар, Қоғамдық кеңес төралқасының отырысында интернет алаяқтық мәселесін қарастыру туралы шешім қабылданды.

Фото

Previous Next