Облыстың балық шаруашылығын дамыту туралы

Б. Демеуовтың төрағалығымен өткен облыстық қоғамдық кеңес төралқасының отырысында Ертіс өзенінің жайылмасын балықтандыруды оңтайландыру және Павлодар облысында балық өсіру қызметін одан әрі дамыту жөніндегі іс-шаралар жоспарын орындау туралы мәселе қаралды. Төралқа отырысының жұмысына облыстың жер қойнауын пайдалану, қоршаған орта және су ресурстары басқармасы басшысының орынбасары М. Элиясова, балық өсіру, көл-тауар, тоған, кәсіпшілік балық өсіру шаруашылықтарының басшылары қатысты. Облыстың балық шаруашылығының жағдайы мен дамуы туралы облыстың жер қойнауын пайдалану, қоршаған орта және су ресурстары басқармасының жануарлар дүниесі бөлімінің басшысы Ж. Жұмашев хабарлап, отырысқа қатысушылардың сұрақтарына жауап берді. Қоғамдық кеңес мүшелері қазіргі заманғы озық технологияларды пайдалана отырып, материалдық-техникалық жарақтандыруға ерекше назар аударып, балық өсіру шаруашылықтарын субсидиялаудың барлық мүмкіндіктерін пайдалану, сондай-ақ облыс су айдындарына балық жіберу көлемін ұлғайту қажет деп санайды. Өткізілген отырыстың қорытындысы бойынша облыстың жер қойнауын пайдалану, қоршаған орта және су ресурстары басқармасына және қалалар мен аудандардың әкімдіктеріне ұсынымдар берілді.

Фото

Previous Next