Оффлайн және онлайн форматтарында Облыстық Қоғамдық кеңестің кезектен тыс отырысы өтті

Отырысты Ұлытау облыстық Қоғамдық кеңестің төрағасының орынбасары Аяна Мукеева ашып, жүргізді.
Күн тәртібінде бір ғана мәселе қаралды — Ұлытау облыстық мәслихаты сессиясының №211 «2025–2027 жылдарға арналған облыстық бюджет туралы» шешіміне өзгерістер енгізу туралы жобаны талқылау.
Ұлытау облысының Экономика басқармасының басшысы Нұрлан Абдукалимовтың баяндауынша, өзгерістер облыстық бюджеттік бағдарламалар әкімшілерінің бюджеттік өтінімдері негізінде әзірленген және алдын ала келісілген.
Қоғамдық кеңес мүшелері тарапынан бюджеттік бағдарламалар әкімшілеріне бірқатар сұрақтар қойылды. Атап айтқанда, балалардың шетелде өтетін спорттық шараларға баруына бөлінетін қаражаттың жеткіліксіздігі, мұражайлар үшін сатып алынатын көліктер сапасының төмендігі, шалғай елді мекендерде штаттық мамандардың жетіспеушілігі және өзге де мәселелер көтерілді.
Талқылау қорытындысы бойынша күн тәртібіне енгізілген жоба Қоғамдық кеңес мүшелерінің басым дауысымен қабылданды.

Фото

Previous Next