Қазкеңес жаңалықтары
KazKENES жаңалықтарыКезектен тыс отырыс өткізілді.
Кезектен тыс отырыс өткізілді
Зайсан ауданының 2025 жылға арналған бюджетіне өзгерістер енгізуіне байланысты және басқа да қоғамдық кеңеске түскен нормативтік құқықтық актілердің жобаларын, өтініштерді қарау мерзімін сақтау мақсатында 26 қараша 2025 жылы Зайсан аудандық қоғамдық кеңесінің кезектен тыс отырысы өткізілді.
Күн тәртібіндегі бірінші мәселе «Зайсан аудандық мәслихатының 2025 жылғы 18 қарашадағы «2025-2027 жылдарға арналған Зайсан ауданының бюджеті туралы № 19/142-ҮІІІ шешіміне өзгерістер енгізу туралы» аудандық экономика және қаржы бөлімінің басшысы Ғ. Кожекенова хабарлама жасап, облыстық бюджеттен 150 млн тенге трансферттер берілгенін және оның 100 млн тенгесі «Біржан –Ақарал» автомобиль жолын орташа жөндеу жұмыстарына, 50 млн тенгесі Зайсан қаласының орташа қысымды газ құбырларын айналдырып бір біріне қосуға бөлінгенін айтып өтті. Сондай ақ аудан бюджетінде үнемделген қаржы есебінен «Дипломмен ауылға» бағдарламасы бойынша 5 жас мамандарға көтерме ақы беруге 1966 мың тенге бөлініп отырғанын айтты. Қоғамдық кеңес мүшелері бюджетке жасалған өзгерістерді бірауыздан мақұлдады.
«Зайсан ауданында оңайлатылған декларация негізінде арнаулы салық режимін қолдану кезінде салық мөлшерлемесінің мөлшерін төмендету туралы» адандық мәслихаттың шешім жобасы туралы аудандық ауыл шаруашылығы және кәсіпкерлік бөлімінің басшысының міндетін атқарушы Л.Т.Шақантаева хабарлама жасады. Қоғамдық кеңес мүшелері арнаулы салық режимімен жұмыс жасайтын кәсіпкерлердің корпоративтік және төлем көзінен ұсталмайтын табыс салығының мөлшерлемелерін 4 пайыздан 2 пайызға дейін төмендетуді мақұлдады.
Сондай ақ «Зайсан аудандық мәслихатының 2015 жылғы 20 қаңтардағы № 30-1 « Зайсан ауданында тұрғын үй көмегін көрсетудің мөлшері мен тәртібін айқындау туралы» шешіміне өзгерістер енгізу туралы» аудан мәслихаттың шешім жобасын қоғамдық кеңес мүшелері мақұлдады.
Қоғамдық кеңес отырысында «Аудан бойынша пайдаланылмаған ауылшаруашылығы мақсатындағы жерлерді мемлекет меншігіне қайтару туралы» мәселе бойынша аудандық жер қатынастар бөлімінің басшысы Е.Қайрақбаев хабарлама жасады. Қоғамдық кеңес мүшелері осы бағытта жұмысты жақсартуды ұсынды.
Қоғамдық кеңес отырысында келіп түскен өтініштер және қоғамдық кеңес мүшелері тарапынан көтерілген мәселелер бойынша тыңдау өткізілді. Бірінші қоғамдық кеңес мүшесі Б.Бесенбаев қар жауғаннан бері Шалқар- Үлкен Қаратал республикалық маңызы бар жолдың жаңа айналма жол салынғаннан кейін иесіз қалып, қары күрелмейтіндігін, тұрғындар тарапынан орынды наразылық туындап отырғанын айтып өтті. Бұл мәселе бойынша Қаз автожол сервис мекемесінің өкілі Ә.Уазырханов жауап беріп бұл жұмыстарды атқару әзірге Синь-Синь компаниясының міндеті екендігін жеткізді. Қоғамдық кеңес төрағасы М.Уәли Қазақ автожол мекемесінің басшылығына бұл мәселе бойынша хабарласатынын айтып , бұл мәселе қоғамдық кеңес назарында болатынын жеткізді.
Ауданішілік және қалаішілік жолаушылар тасымалдау жұмыстарын орындаушы кәсіпкер Р.Раматовтың жолаушылар тасымалдау бойынша мемлекет тарапынан берілетін субсидиялар мөлшерін келесі жылдан бастап көбейту жөніндегі өтініші қаралды. Қоғамдық кеңес мүшелері бұл мәселені қарап, біраз кемшіліктерге қарамастан, жолаушылар тасымалдау аудан көлемінде біршама жолға қойылғандығын, келешекте осы қарқынды жоғалтпай, тұрғындарға ыңғайлы және қол жетімді бағада қызмет етуді жалғастыруды айтып,аудандық қаржы және әкономика бөлімінемемлекет тарапынан жолаушылар тасымалдауға бөлінетін субсидиялау көлемін анықтауға арналған методикалық есепті басшылыққа ала отырып, судсидилар көлемін нақты есептеп, осы қызмет түріне конкурс өткізуді ұсынды.
Қоғамдық кеңес мүшесі М.Бошақов орташа жөндеу жасалып жатқан Жаңатұрмыс жолының асфальт салынған шетіне қиыршық тас төгілмегенін, қаланың шетіндегі қасқа жолдың алдындағы жаңадан салынған электр бағанасының жол жүрісіне қуіп төндіріп тұрғанын айтып, ретке келтіруді сұрады. Бұл жұмыстарды қадағалап, ретке келтіру аудандық тұрғын үй коммуналдық , жолаушылар тасымалдау және автомобиль жолдары бөлімінің басшысы А. Жұмағалиев тапсырылды.
Қоғамдық кеңес отырысын кеңес төрағасы М.Уәли қортындылап, қоғамдық кеңес мүшелеріне келесі отырыста 2026 жылға арналған қоғамдық кеңестің жұмыс жоспары бекітілетінін, соған ұсыныстар беруді ұсынды.
Зайсан аудандық қоғамдық кеңесінің ақпараттық орталығы.
Фото
